ជនជាតិ ថៃ ចាប់ផ្ដើមរើសអើង ម្ចាស់មកុដបវរកញ្ញាចក្រវាឡឆ្នាំ ២០២៥ Fatima

វីដេអូពីបណ្ដាញសង្គម TikTok ដ៏ល្បីមួយ បានក្លាយជាប្រធានបទក្តៅគគុកលើអ៊ីនធឺណិត បន្ទាប់ពីបង្ហាញដំណើររបស់បវរកញ្ញាចក្រវាឡឆ្នាំ ២០២៥ នាង Fatima Bosch តំណាងប្រទេសម៉ិកស៊ិកមកដលទឹកដីថៃ តែគ្មានការស្វាគមន៍ពីម្ចាស់ផ្ទះសូម្បីតែម្នាក់ ដោយនោះបានធ្វើឲ្យមហាជនជាច្រើនរិះគនថា ប្រទេសថៃចាបផ្ដើមរើសរើងជាតិសាសន៍ហើយ។

តាមរយៈវីដេអូឃ្លិបនេះ បង្ហាញពីម្ចាស់មកុដ Fatima Bosch រួមជាមួយក្រុម និងអង្គរក្សរបស់នាង ធ្វើដំណើរទៅកាន់កន្លែងទេសចរណ៍ល្បីៗជាច្រើននៅទីក្រុងបាងកក រួមទាំងផ្លូវ Khao San និង Siam Square។ ពេលនាងចុះពីឡានពណ៌ខ្មៅ និងស្លៀករ៉ូបពណ៌ខ្មៅ អមដោយខ្សែឈាង Miss Universe 2025 ភ្លាម នាងបានគ្រវីដៃ និងញញឹមដាក់មនុស្សម្នានៅចំពោះមុខ ប៉ុន្តែគ្មាននរណាម្នាក់ចាប់អារម្មណ៍ ឬសុំថតរូបជាមួយនាងឡើយ។

ចំពោះអ្នកដែលបានបង្ហោះវីដេអូនេះក៏មិនភ្លេចសរសេរសំណេរពីលើឃ្លិបនោះថា «គ្មាននរណាម្នាក់សុំថតរូបជាមួយនាងទេ។ គ្មាននរណាម្នាក់ទទួលស្គាល់សមត្ថភាពរបស់នាងទេ។ មានតែប្រទេសម៉ិកស៊ិកប៉ុណ្ណោះ ដែលទទួលស្គាល់នាងជាបវរកញ្ញាចក្រវាល»។

វីដេអូនោះ ទទួលបានការមើលលើសពីមួយលានដង និងទទួលបានមតិយោបល់រាប់ពាន់។ អ្នកខ្លះបានសម្តែងការអាណិតអាសូរចំពោះនាង ដែលទទួលរងការមិនស្វាគមន៍ពីប្រទេសថៃ ដែលនោះមិនគួរធ្វើដាក់បវរកញ្ញាចក្រវាលឡើយ។ អ្នកផ្សេងទៀតបានសម្តែងការមិនពេញចិត្តចំពោះការឆ្លើយតប ដោយលើកឡើងពីការចោទប្រកាន់អំពីភាពមិនច្បាស់លាស់នៃកម្មវិធីប្រកួតសម្រស់នៅក្នុងប្រទេសថៃនាពេលកន្លងមក៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

​ម៉ិកស៊ិក ស៊ើបអង្កេតម្ចាស់ស្ថាប័ន «បវរកញ្ញា​ចក្រវាល» ពីបទជួញដូរគ្រឿងញៀន និងរត់ពន្ធអាវុធ