ត្រៀមខ្ទង់ ២ម៉ឺនដុល្លារ! បូព្រឹក្ស និង G-Devith បន្តបេសកកម្មនាំយកសិល្បៈវប្បធម៌ជាតិ បង្ហាញលើឆាកអន្តរជាតិ

បន្ទាប់ពីជោគជ័យក្នុងការរៀបចំព្រឹត្តិការណ៍ដ៏ធំ ដើម្បីចូលរួមក្នុងការលើកស្ទួយវប្បធម៌ខ្មែរជាបន្តបន្ទាប់នាពេលកន្លងទៅលោក ជី ដេវីត និង អ្នកនាង ទេព បូព្រឹក្ស បានធ្វើឱ្យមហាជនកាន់តែមានមោទនភាព ខណ:មានការទម្លាយថា អ្នកទាំងពីរនឹងតំណាងឱ្យសិល្បករកម្ពុជាចូលរួមក្នុងកម្មវិធីដ៏ធំ 2026 ROUND Festival នៅឯប្រទេសហ្វីលីពីន នៅថ្ងៃទី១៩ ខែមេសា ឆ្នាំ២០២៦ ខាងមុខនេះ។

តួយ៉ាង នេះត្រឹមជាការផ្សព្វផ្សាយសិល្បៈវប្បធម៌ខ្មែរប៉ុណ្ណោះទេ តែជាបេសកកម្មមួយក្នុងការនាំយកអត្តសញ្ញាណខ្មែរបង្ហាញលើឆាកអន្តរជាតិឱ្យកាន់តែទូលំទូលាយ ចំពោះមុខទស្សនិកជនលើសពី ២៥ ០០០នាក់ ក្នុងឆាកព្រឹត្តិការណ៍ដ៏ធំមួយ ដែលគ្រោងរៀបចំធ្វើនៅទីក្រុង Manila ប្រទេស Philippines។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការត្រៀមខ្លួនរនាំយកសិល្បៈវប្បធម៌ខ្មែរទៅសម្ដែងនៅប្រទេសហ្វីលីពីននេះ ក៏មានការឱ្យដឹងដែរថា អ្នកនាង ទេព បូព្រឹក្សនិងលោក ជី ដេវីត បានចំណាយថវិការផ្ទាល់ខ្លួនរហូតខ្ទង់ ២ម៉ឺនដុល្លារ ដើម្បីចេញទៅសម្តែងក្នុងកម្មវិធីដ៏ធំនិងអស្ចារ្យនោះ។

តាមរយៈសារពីទំព័រហ្វេសប៊ុករបស់ក្រុមការងារអ្នកនាង បូព្រឹក្ស មានឈ្មោះ Sophea Tep បានរៀបរាប់ថា “ការលះបង់មិនមែនតូចទេ។ នេះគឺជាការសម្រេចចិត្តដ៏ធំ ហើយមនុស្សភាគច្រើនមិនស្ម័គ្រចិត្តធ្វើបែបនេះឡើយ។ ការចំណាយថវិកាផ្ទាល់ខ្លួនជាង ២០,០០០ ដុល្លារ (គិតត្រឹមសំបុត្រយន្តហោះ) មិនមែនជាចំនួនតិចតួចទេ។ តែអ្វីដែលធំជាងលុយទៀតនោះគឺ ទឹកចិត្ត ពេលវេលា និងកម្លាំងញើសឈាម”។

ប្រភពខាងលើបន្ថែមថាលុយគឺអាចជួយឱ្យការងារដំ ណើ រការទៅមុខបានប៉ុន្តែវាមិនអាចទិញចក្ខុវិស័យក្នុ ងការច្នៃប្រឌិតបានទេ។ ការរៀបចំសម្រាប់ឆាកអន្តរ ជាតិត្រូវការគំនិតល្អប្រព័ន្ធការងារខ្ពស់និងភាពជាអ្នក ដឹកនាំ។បើមិនមានទឹកចិត្តពេលវេលានិងស្មារតីទទួ លខុសត្រូវអ្វីៗ ទាំងនេះមិនអាចកើតឡើងបានទេ។ ការលះបង់បែបនេះគួរតែត្រូវបានគេមើលឃើញលើ កទឹកចិត្ត និងគោរពព្រោះមិនមែនគ្រប់គ្នាអាចដាក់អ្វីៗទាំងអស់ ដើម្បីឱ្យវប្បធម៌ខ្មែរ ឡើងឆាកអន្តរជាតិបានឡើយ។

ចំណែកលោក ជី ដេវីត និងអ្នកនាង ទេព បូព្រឹក្ស បានឱ្យដឹងដែរថាលោកនឹងត្រៀមនាំយកការសម្ដែងទស្សនីយភាពបង្ហាញពីវប្បធម៌ខ្មែរក្នុងបទចម្រៀង «Goblin» លាយបញ្ចូលទម្រង់សិល្បៈ ទេពអប្សរាល្ខោនខោល និងល្បុក្កតោលើឆាកអន្តរជាតិដ៏ធំ ROUND Festival 2026 នេះ។

អ្នកនាង ទេព បូព្រឹក្ស លើកឡើងថាសង្ឃឹមថានេះជាការរួមចំណែកចុងក្រោយរបស់នាងហើយនាងនឹងធ្វើ ឲ្យបានល្អបំផុត នាងនឹងនាំវប្បធម៌ខ្មែរទៅលើឆាកអន្តរជាតិជាមួយខ្លួនយើងនឹងរួមគ្នាបង្ហាញអ្វីជាភាពខ្លាំង នឹងភាពជាម្ចាស់ដើមយ៉ាងពិតប្រាកដដំណើរបន្ទាប់ពីនេះនាងនឹងប្រគល់ភារកិច្ចនេះជូនអ្នកវិញ៕ ដោយ : ចាន់រ៉ា