ជាប់ឈ្មោះជាមេម៉ាយ តែតារាស្រី៦ដួងនេះរស់លើគំនរទ្រព្យដោយសុខស្រួល

ជាការពិតមិនត្រឹមតែរក្សាបានប្រជាប្រិយភាពនិងការគាំទ្រច្រើនពីទស្សនិកជនគ្រប់មជ្ឈដ្ឋាននោះទេ មកដល់ឆ្នាំ២០២១នេះគេក៏កត់សម្គាល់ថា មានតារាស្រី៦ដួង បើទោះជាក្លាយទៅជាស្រី្ដមេម៉ាយមែន តែរស់នៅយ៉ាងហ៊ឺហាស៊ីវិល័យ។

ចំពោះតារាស្រី៦ដួងដែលត្រូវបានការសរសើរនិងមហាជនមើលឃើញថាជាអ្នកមេម៉ាយទ្រព្យស្តុកមានលុយចាយពេញៗដៃនោះរួមមាន៖

១-ពិធីការិនី យុគ ចិន្ដា ទោះបីកន្លងមកមិនធ្លាប់ប្រកាសពីចំណងអាពាហ៍ពិពាហ៍ក្តី ប៉ុន្ដែអ្នកនាងបង្កើតបានកូនស្រីម្នាក់មានវ័យ១៨ឆ្នាំទៅហើយ។ កូនស្រីឈ្មោះ យុគ ដាពេជ្រ ហៅស្រី អម ខណ:ពិធីការិនីដ៏មានឥទ្ធិពលរូបនេះត្រូវបានគេយល់ថា បច្ចុប្បន្នគឺទ្រព្យតម្លៃរាប់លានដុល្លារបូករួមមុខជំនួញជាច្រើន ផ្ទះជួល ដីធ្លី និងកំពុងរស់នៅផ្ទះវីឡាស្កឹមស្កៃព្រមទាំងជិះរថយន្ដទំនើបៗដូចជា Land Cruiser Prado និងTundra ជាដើម។

២-តារាសម្តែង ចន ច័ន្ទលក្ខិណា គេចាំថាបានលែងលះអតីតស្វាមីលោក យុត្ថា រ៉ាឆាន្នី កាលពីឆ្នាំ២០១៣ ក្រោយរៀបការរក្សានូវស្នេហ៍បាន១៧ឆ្នាំ និងដោយបន្សល់ចំណងដៃកូនស្រីម្នាក់ឈ្មោះ នី ចិន្ដា ចូលពេញវ័យជំទង់ទៅហើយ។
យ៉ាងណាមិញអ្នកនាង ចន ច័ន្ទលក្ខិណា បច្ចុប្បន្នក៏កំពុងតែភ្ជាប់ស្នេហ៍ជាមួយលោក ហេង ឡុង រស់នៅក្នុងជីវិតស៊ីវិល័យតាមរយៈការស្នាក់នៅខុនដូ និងមានផ្ទះវីឡា ព្រមទាំងមុខជំនួញមួយចំនួន ហើយប្រើប្រាស់រថយន្ដទំនើបៗដូចជា Range Rover ហើយមានលុយចាយពេញដៃទៀតផង។

៣-តារាសម្តែងនិងពិធីការិនី កែវ នីសា បន្ទាប់ពីលែងលះប្ដីអាណិកជនខ្មែរមកពីអាមេរិកលោក គាំ វ៉ារី កាលពីឆ្នាំ២០០៩ ហើយចែកផ្លូវគ្នាជាមួយអតីតសង្សារ សាន ផានិត និងលោក លឹម ជាឡាយ បច្ចុប្បន្ននេះមានដំណឹងថា នាងកំពុងសាងស្នេហ៍ថ្មីដោយអាថ៌កំបាំង។ តារាស្រីមានឈ្មោះជាមេម៉ាយចាយរាងរូបស្រស់ កែវ នីសា សព្វថ្ងៃត្រូវបានអ្នកគាំទ្រសង្កេតឃើញកំពុងរស់នៅផ្ទះវីឡា និងជិះរថយន្ដទំនើប Land Cruiser និង Alphard។

៤-អ្នកនាង ឈួន សុវណ្ណឆ័យ ក្រៅពីអាជីពសិល្ប: នាងគឺជាថៅកែចិញ្ចឹមជ្រូកមានកសិដ្ឋានមួយនាទឹកដីខេត្តកំពង់ស្ពឺ។នាងបានលែងលះប្ដីដែលជាមន្រ្ដីបម្រើការនៅស្ថានទូតបារាំងកាលពីឆ្នាំ២០០៦ ដោយបន្សល់ចំណងដៃកូន៣នាក់ (ប្រុស១-ស្រី២) បន្ទាប់ពីធ្លាក់ខ្លួនជាស្រ្តីមេម៉ាយ១៥ឆ្នាំនេះ សុវណ្ណឆ័យ កាន់តែមានជីវភាពហក់ឡើងស្ទើមិនគួរឲ្យជឿដូចជាពេលនេះ នាងរស់នៅផ្ទះវីឡាស្កឹមស្កៃ និងជិះរថយន្ដទំនើបៗដូចជា Rolls Royce, Lexus Lx570, Alphard ,និង Ford ជាដើម។

៥-តារាចម្រៀង ពេជ្រ សោភា ក៏បានចែកផ្លូវគ្នាជាមួយអតីតស្វាមីអាណិកជនខ្មែរមកពីអាមេរិកលោក ឡៅ ឆលី កាលពីឆ្នាំ២០១៦ ក្រោយរៀបការបានមិនដល់១ឆ្នាំផង។ បច្ចុប្បន្ន សោភា ក៏កំពុងសាងស្នេហ៍ថ្មីជាមួយលោក ឆឹម សក្កដា ។
ពេជ្រ សោភា ក៏ជាតារាស្រីម្នាក់ដែលហ៊ឺហារមិនចាញ់មិត្តភក្តិរួមជំនាន់ឡើយ ហើយសព្វថ្ងៃនាងរស់នៅក្នុងផ្ទះវីឡាយ៉ាងប្រណិតជាមួយការប្រើប្រាស់រថយន្ដទំនើបៗដូចជា Porsche, Mercedes , Range Rover និង Audi ផងដែរ។

៦-តារាចម្រៀង សុខ ស្រីនាង បើគិតមកទល់ពេលនេះមានរយ:ពេលច្រើនឆ្នាំមកហើយដែលបានកាត់ផ្តាច់ចំណងស្នេហ៍ជាមួយអតីតស្វាមីលោក ស៊ី សុវត្ថិ បន្ទាប់រស់នៅជាមួយគ្នាបានមួយរយ:ខ្លីកន្លងទៅនោះ។ យ៉ាងណាមិញបច្ចុប្បន្នក៏មានព័ត៌មាននៃការសាងសម្ព័ន្ធភាពស្នេហារថ្មីជាមួយអ្នកសិល្ប:ដូចគ្នាផងដែរ។ មិនខុសពីតារាស្រីឯទៀតទេ ស្រីនាង សព្វ ថ្ងៃក៏ជាតារាស្រីម្នាក់មានភាពហ៊ឺហារសម្បូរលុយចាយពេញដៃនិងប្រើប្រាស់របស់របរទំនើបៗទៀតផង៕

អត្ថបទ៖ ចាន់រ៉ា

ចុចអាន៖ មេម៉ាយចាយរាង ណូម័រ មិនស្កប់ស្កល់នឹងសម្រស់ធម្មជាតិរបស់ខ្លួន បានចំណាយលុយជាច្រើនកែ​សម្ផស្សបន្ថែម​

ចុចអាន៖ មិនដល់មួយខែផង បាត់បង់សិល្បករចាស់-ក្មេង ៥រូប គួរឲ្យសោកស្តាយបំផុត