ជីវិតកម្សាន្ដ

បំណងប្រាថ្នាចុងក្រោយព្រឹទ្ធាចារ្យ គង់ ណៃ សាងសង់ជិតរួចរាល់ហើយ

បានផុស

៥ years មុន

នៅ

ថ្ងៃពុធ ២៨ កក្កដា ២០២១

ដោយ

ភ្នំពេញ ៖ បើតាមការបញ្ជាក់របស់លោកជំទាញឧក ញ៉ា នឹម វណ្ណ: គិតមកដល់ពេលនេះការសាងសង់ចេតិយជូនដល់ព្រឹទ្ធាចារ្យចាប៉ីដងវែងលោកតា គង់ណៃ គឺសម្រេចបានប្រមាណជាង៩០ភាគរយហើ យពោលគឺនឹងត្រូវរួចរាល់នាពេលឆាប់ៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាញឧក ញ៉ា នឹម វណ្ណ: បានមានប្រសាសន៍ថា បំណងប្រាថ្នារបស់លោកតាព្រឹទ្ធាចារ្យ គង់ ណៃ សាងសងជិតរួចរាល់ហើយសរុបទឹកប្រាក់ជាង២ម៉ឺនដុល្លារអាមេរិច។ សូមផលបុណ្យដែលកើតបានពីការសង់ចេតិយនេះបានដល់កូនៗនិងក្រុមគ្រួសាររបស់នាងខ្ញុំនិងមានសុខភាពល្អទាំងអស់គ្នា។

សូមជម្រាបដែរថា ដើម្បីសម្រេចបំណងចុងក្រោយរបស់ព្រឹទ្ធាចារ្យចាប៉ីដងវែងលោកតាគង់ ណៃ ត្រូវបានលោកជំទាវហ៊ុន ស៊ីណាត និងបុត្រីគឺលោកជំទា វឧកញ៉ា នឹម វណ្ណៈ បានបំពេញជូនគាត់ដោយបានឧបត្ថម្ភថវិកាចំនួន២ម៉ឺនដុល្លារដើម្បីសង់ចេតិយនិងជួយចិញ្ចឹមរយៈពេល៥ឆ្នាំ។

លោកជំទាវ ហ៊ុន ស៊ីណាត កន្លងមកធ្លាប់មានប្រសាសន៍ថា ដោយមានការទទូចបែបនេះទើបលោកជំទាវនិងកូនព្រមទាំងក្រុមគ្រួសារសម្រេចកសាងចេតិយជូនតាមបំណងរបស់គាត់!។ លោក ជំទាវ ហ៊ុ ន ស៊ីណាត មានប្រសាសន៍ទៀតថា លោកតាគង់ណៃ គាត់បានជួយសង្គមនិងលើកស្ទួយសិល្បៈអភិរក្សវប្បធម៌ច្រើនលើសលប់។

ក្រៅពីនោះដែរ លោកជំទាវនិងក្រុមគ្រួសារក៏បានជួយចិញ្ចឹមគាត់រយៈពេល៥ឆ្នាំទៀតដោយឧបត្ថម្ភជារៀងរាល់ខែដោយក្នុងមួយខែៗ គឺថវិកាចំនួន៥០ម៉ឺនរៀល,មី១កេះ ,ត្រីខ១យួរ ,ទឹកស៊ីវ១យួរ និងអង្ករចំនួន ៥០គីឡូក្រាម ផងដែរ៕

ដោយ ៖ ចាន់រ៉ា