ជីវិតកម្សាន្ដ

លីវ ជីលី ប្រតិកម្មក្រោយមានការប្រៀបធៀបរវាងនាងនិងអតីតបវរកញ្ញាមួយរូបទៀត

បានផុស

៥ years មុន

នៅ

ថ្ងៃអង្គារ ៧ កញ្ញា ២០២១

ដោយ

កញ្ញា លីវ ជីលី ដែលជាMiss Grand Cambodia2020បានបញ្ចេញប្រតិកម្មហាក់មិនសប្បាយចិត្តក្រោយមានការប្រៀបធៀបរវាងនាងទៅនឹងអតីតបវរកញ្ញា សេង រដ្ឋា ដែលត្រូវបានផ្លាស់ប្តូរតំណែងកាលពីថ្មីៗកន្លងទៅ។

ការបង្ហាញអារម្មណ៍ដោយមិនពេញចិត្តពីសំណាក់តារាស្រី លីវ ជីលី នេះ កើតឡើងបន្ទាប់ពីមានការបង្ហោះនៅលើផេកTheam Cambodiaដោយបាននិយាយថា មកមើលការប្រកួតBikiniរបស់ សេង រដ្ឋា ក្នុងការប្រកួតMiss Grand Cambodia2020វគ្គប្រកួតបឋម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពលើកឡើងទៀតថា បើសិន ជេលី ប្តូរទៅ សេង រដ្ឋា វិញថាតើតំណែងអ្វីដែលនាងទទួលបាននៅក្នុងការប្រកួតMiss Grand International20 20?។ ដោយសារមានការបញ្ចេញបែបនេះទើបធ្វើឲ្យ លីវ ជីលី ប្រតិកម្មឆ្លើយតបដោយការមិនសប្បាយចិត្ត។

កញ្ញា លីវ ជីលី បានឆ្លើយតបបែបនេះថា “នាងខ្ញុំមិនខ្វល់ថា អ្នកជានរណាTeamCambodiaសុំកុំយកឈ្មោះនាងខ្ញុំទៅធ្វើជាប្រធានបទដោយចេតនាដើម្បីប្រយោជន៍ផ្ទាល់ខ្លួន”។

គួររម្លឹកថា កញ្ញា លីវ ជីលី ដែលត្រូវបានឡើងមកកាន់តំណែងMiss Gra nd 2020ជំនួសអតីតកញ្ញា សេង រដ្ឋា កាលពីកន្លងទៅក៏ធ្លាប់បានប្រកាសស្នើរដល់មហាជនអ្នកគាំទ្រវិស័យកញ្ញាឯកជួយផ្តល់ជាកម្លាំងចិត្តនិងបញ្ចេញមតិក្នុងន័យកែលម្អជាជាងការរិះគន់បែបជាន់ពន្លិចផងដែរ៕

អត្ថបទ៖ ចាន់រ៉ា