ជីវិតកម្សាន្ដ

ព្រឹទ្ធាចារ្យ លី ប៊ុនយីម ផលិតករភាពយន្តជើងចាស់វិជ្ជមានកូវីដ-១៩ ស្ថិតក្នុងសភាពធ្ងន់ធ្ងរ

បានផុស

៤ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

ផលិតករភាពយន្តជើងចាស់ល្បីឈ្មោះលោកព្រឹទ្ធាចារ្យ លី ប៊ុនយីម បច្ចុប្បន្នកំពុងស្ថិតក្នុងបន្ទប់សម្រាកព្យាបាលក្រោយរកឃើញមានវិជ្ជមានកូវីដ-១៩។ នេះបើយោងតាមការបង្ហោះនៅលើផេករបស់ក្រុមព្រះសូរិយា។

ប្រភពលើកឡើងថា លោកព្រឹទ្ធាចារ្យ លី ប៊ុនយីម វិរ:សិល្បករខ្មែរពេលនេះកំពុងស្ថិតក្នុងបន្ទប់ព្យាបាលនាមន្ទីរពេទ្យមួយក្នុងខេត្តកណ្តាល ក្រោយពីរកឃើញវិជ្ជមានជំងឺកូវីដ-១៩ ហើយស្ថិតក្នុងដំណាក់កាលធ្ងន់ធ្ងរគួរអោយព្រួយបារម្ភថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកព្រឹទ្ធាចារ្យ លី ប៊ុនយីម សព្វថ្ងៃមានអាយុ៨៥ឆ្នាំ មានគេហដ្ឋាននៅសង្កាត់ព្រែកហូរ ក្រុងតាខ្មៅ ខេត្តកណ្តាល លោកព្រឹទ្ធាចារ្យត្រូវបានក្រុមគ្រួសារ និងពេទ្យរកឃើញថា មានវិជ្ជមានជំងឺកូវីដ១៩ នៅរសៀលថ្ងៃទី២៨ ខែកញ្ញា ឆ្នាំ២០២១។

លោកព្រឹទ្ធាចារ្យ លី ប៊ុនយីម ជាសិល្បកររៀមច្បងក្នុងវិស័យភាពយន្តខ្មែរតាំងពីសម័យកើតភាពយន្តដំបូងដោយលោកតួមាននាទីជាអ្នកនិពន្ធ អ្នកដឹកនាំរឿង អ្នកបច្ចេកទេស និងផលិតករដែលមានស្នាដៃល្អចំណាន ហើយបានទទួលការសរសើរពីមហាជនគ្រប់ស្រទាប់ទាំងជាតិនិងអន្តរជាតិ។

កាលពីមុនឆ្នាំ១៩៧៥ លោក លី ប៊ុនយីម បានកសាងស្នាដៃភាពយន្តជាច្រើនសម្រាប់ផលិតកម្មរន្ទះពេជ្រ ភាពយន្តរបស់លោកមានដូចជារឿង សព្វសិទ្ធិ , រឿង ពុទ្ធិសែននាងកង្រី , រឿង អនអើយស្រីអន,រឿង សេះសមុទ្រ ,រឿងចំណងដៃទឹកភ្នែក ដែលសុទ្ធ តែជាភាពយន្តដែលល្បីល្បាញកំពូលតែម្តង៕

អត្ថបទ៖ ចាន់រ៉ា