ពានរង្វាន់កំពូលតួសម្ដែងឆ្នើមប្រចាំឆ្នាំ ២០២១ បានទៅលើតារាកូរ៉េ ៣ដួងនេះ

កាលពីថ្ងៃទី ២១ ខែតុលា កន្លងទៅថ្មីៗនេះ កម្មវិធីផ្ដល់ពានរង្វាន់លំដាប់អន្តរជាតិ The Seoul Drama Awards 2021 ​បានប្រារព្ធធ្វើឡើង ដោយមានការចូលរួមពីសិល្បករល្បីៗជាច្រើនរូបជួបជុំគ្នាតាមអនឡាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីនេះ តែងតែប្រារព្ធឡើង រៀងរាល់មួយឆ្នាំម្ដង ដើម្បីអបអរខ្សែភាពយន្ដនៅជុំវិញពិភពលោក។​ គួរឱ្យស្ដាយដែលឆ្នាំ ២០២១នេះ កម្មវិធីមិនអាចប្រារព្ធឱ្យមានការជួបជុំដោយផ្ទាល់នោះទេ ប៉ុន្ដែកម្មវិធីនៅតែប្រព្រឹត្តទៅតាមរយៈការ Live លើប្រព័ន្ធអ៊ីននធរណិត និងបានផ្ដល់ពានរង្វាន់ជូនសិល្បករឆ្នើមដូចសព្វមួយដង។

ក្នុងនោះ កូរ៉េខាងត្បូង មានតារាប្រុសស្រី ៣ រូប បានឈ្នះពានរង្វាន់ជាតារាឆ្នើម ប្រចាំឆ្នាំពីកម្មវិធី The Seoul Drama Awards 2021៖

១.​ពានរង្វាន់តារាសម្ដែងប្រុសលេចធ្លោ- Outstanding Korean Actor

ពានរង្វាន់នេះ បានទៅលើតារាសម្ដែង Song Joongki ដែលលោកជាតួឯកក្នុងខ្សែភាពយន្ត Vincenzo។

២. ពានរង្វាន់តារាសម្ដែងស្រីលេចធ្លោ- Outstanding Korean Actress

ពានរង្វាន់ Outstanding Korean Actress បានទៅលើតារាសម្ដែង Suzy Bae ដែលនាងជាតួឯកនៅក្នុងខ្សែភាពយន្ត Start-Up។

៣. ពានរង្វាន់តារាសម្ដែងប្រុសឆ្នើម-Best Actor

ពានរង្វាន់ Best Actor ឆ្នាំនេះ បានទៅលើតួឯកប្រុសក្នុងខ្សែភាពយន្ត ​Missing Child លោក Park Hyuk Kwon។

ដោយឡែក ប្រទេសកូរ៉េខាងត្បូងក៏មានអ្នកសិល្បៈមួយរូបទៀត បានឈ្នះពានរង្វាន់ឆ្នើមផងដែរ គឺលោក Jo Yong Won ដែលជាអ្នកដឹកនាំរឿង ​Missing Child។ អ្នកដឹកនាំរូបនេះ បានឈ្នះពាន Best Director (អ្នកដឹកនាំរឿងឆ្នើម)៕

ប្រែសម្រួល៖ សន្យា

ចុចអាន៖ CL ចូលទ្រនំថ្មី ជាមួយតារាល្បីៗដូចជា Dua Lipa

ចុចអាន៖ Han So Hee និយាយពីឈុតស្រើបស្រាលក្នុងរឿង “My Name”