សូ ដានីតា ប្រកាសឲ្យ សឿ សុធារ៉ា ចេញមុខដោះស្រាយជាបន្ទាន់ មុនពេលដីកាកោះហៅ

នៅលើគណនីហ្វេសប៊ុករបស់តារាសម្តែង សូ ដានីតា កាលពីប៉ុន្មាននាទីមុននេះបានប្រកាសជាសាធារណ:ដោយឲ្យតារាសម្តែងរួមអាជីពអ្នកនាង សឿ សុធារ៉ា ចេញដោះស្រាយជាមួយខ្លួនជាបន្ទាន់។ ប៉ុន្តែនាងមិនបានបញ្ជាក់ថាមានរឿងអ្វីទេ។

យោងតាមការបង្ហោះរបស់ សូ ដានីតា នារសៀលថ្ងៃទី ២ ខែវិច្ឆិកា ឆ្នាំ២០២១នេះ បានលើកឡើងថា ” នាងខ្ញុំសូម​ប្រកាសរកអ្នកនាងសឿរ សុធារ៉ា (Sap oun Darapemean ) ចេញមុខដោះស្រាយជា មួយខ្ញុំជាបន្ទាន់មុននឹងដីការកោះហៅ ឬមិនចង់ឱ្យគេទៅអញ្ជើញទៅបុ៉ស្តិ៍ប៉ូលីសដល់កន្លែងថត”។

តារាស្រី សូ ដានីតា បញ្ជាក់ថា “ខ្ញុំកាចព្រោះអ្នកនាងជាមនុស្សមិនទទួលខុសត្រូវឆាប់ចេញមុខមកជាបន្ទាន់បើមិនចង់ល្បីមុនថតរឿងថ្មីចប់។ការទ្រាំរបស់មនុស្សគឺមានកំណត់អ្នកនាងប្អូន”។

ជុំវិញបញ្ហានេះដែរកម្ពុជាថ្មីមិនទាន់អាចទាក់ទងស្វែងរកការសួរនាំបន្ថែមពី សូ ដានីតា បានទេខណអ្នកនាង សឿ សុធារ៉ា ក៏មិនទាន់ឃើញមានប្រតិកម្មលើករណីនេះដែរ៕

អត្ថបទ៖ ចាន់រ៉ា