ជីវិតកម្សាន្ដ

កវីនិពន្ធ Tho Meet ធ្វើបទថ្មីឲ្យ សុគន្ធ និសា មួយបទនេះផ្ទុះខ្លាំង

បានផុស

៦ years មុន

នៅ

ថ្ងៃសៅរ៍ ៥ ធ្នូ ២០២០

ដោយ

ក្រោយពេលបង្ហាញវត្តមានរយៈពេល២ខែនៅទ្រនំហង្សមាស ភ្លាមៗនេះដែរអ្នកនិពន្ធ Tho Meet បានបញ្ចេញស្នាដៃយ៉ាងច្រើនឲ្យស្ទើរគ្រប់តារាចម្រៀងល្បីក្នុងផលិតកម្មនេះ ហើយថ្មីៗនេះទៀតសោតលោកទើបនឹងធ្វើបទឲ្យ សុគន្ធ និសា មួយបទ ផ្ទុះសាហាវតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទចម្រៀងថ្មីនេះមានចំណងជើងថា ” ប្ដីលើផែនដី អស់ល្អត្រឹមប្ដីអូនហើយ!” ដែលចេញផ្លូវការកាលពីប៉ុន្មានថ្ងៃមុននេះ។ បទនេះ ទើបតែចេញជាវីដេអូសំឡេង (Video Audio) ប៉ុណ្ណោះ ដោយឡែកវីដេអូចម្រៀងផ្លូវការមិនទាន់មានតម្រុយចេញពេលណានៅឡើយទេ។ ចំណុចគួរឲ្យចាប់អារម្មណ៍បទមនោសញ្ចេតនាលើកសរសើរពីស្វាមីមួយនេះ ទទួលបានការគាំទ្រខ្លាំងមែនទែន ពោលគឺគ្រាន់តែចេញបានតែ២ថ្ងៃប៉ុណ្ណោះមានអ្នកចុចស៊ែរបន្តជាង២ម៉ឺននាក់និងមានអ្នកទស្សនាដល់ទៅជិត១លានដងឯណោះ។

សមិទ្ធផលមួយនេះ បានធ្វើឲ្យអ្នកនិពន្ធមានការភ្ញាក់ផ្អើលយ៉ាងខ្លាំង។ លោក Tho Meet ដែលជាអ្នកនិពន្ធបទចម្រៀងខាងលើទាំងទំនុកភ្លេង និងទំនុកច្រៀង បានបញ្ជាក់ថាលោករីករាយមែនទែន និងភ្ញាក់ផ្អើលខ្លាំង ព្រោះមិននឹកស្មានថាស្នាដៃថ្មីរបស់លោកមួយនេះទទួលបានការចាប់អារម្មណ៍យ៉ាងនេះ។

អ្នកនិពន្ធល្បីរូបនេះ បានបន្តថា លោកបានចូលអាន Comment របស់ប្រិយមិត្តជាច្រើនទាំងរំភើប ក្នុងនោះលោកថា ពួកគេលើកសរសើរច្រើន។ លោកថ្លែងថា ” ខ្ញុំឃើញខ្លះគាត់សរសើរលើសាច់ភ្លេង ហើយខ្លះក៏សរសើរចំពោះចំណងជើង ថាប្លែក ទាក់ទាញ និងបង្កប់ដោយ មនោសញ្ចេតនាជ្រាលជ្រៅ។ ខ្ញុំសូមអរគុណដល់បងប្អូនដែលតែងតែគាំទ្រស្នាដៃថ្មីពីខ្ញុំបាទ THO MEET សូមកម្លាំងចិត្តម្នាក់មួយមកខ្ញុំនឹងមានអ្វីដែលថ្មីៗបន្តទៀតសម្រាប់បងប្អូន។”

Tho Meet បានចូលរួមជាមួយហង្សមាសបានប្រមាណ២ខែហើយ ក្នុងរយៈពេលនេះលោកបានធ្វើបទឲ្យតារាចម្រៀងជួររបស់ហង្សមាសស្ទើរទាំងអស់ច្រៀង ភាគច្រើន គឺទទួលបានការពេញនិយម។ លោកថា បន្តិចទៀតប្រិយមិត្តនឹងទទួលបានចំណីអារម្មណ៍ប្លែកមួយបែបទៀត នាពេលមិនយូរខាងមុខ៕

សូមទស្សនាវីដេអូចម្រៀងខាងក្រោម៖