ក្រោយចែកផ្លូវគ្នាបានពីរខែ ជាមួយមហាសេដ្ឋី Elon Musk នាង Grimes បានតែងចម្រៀងមួយបទផ្ញើជូនអតីតមិត្តប្រុសរបស់ខ្លួនជាពិសេស និងច្រៀងដៀលចំៗទៅរលើមហាសេដ្ឋីបច្ចេកវិទ្យារូបនេះថា លោកស្រឡាញ់តែហ្គេម ជាងស្រឡាញ់នាង។

បន្ទាប់ពីបញ្ចប់ទំនាក់ទំនងស្នេហាជាមួយគ្នារយៈពេលបីឆ្នាំ តារាចម្រៀងជនជាតិកាណាដា នាង Grimes បានរិះគន់ធ្ងន់ៗចំពោះអតីតមិត្តប្រុស លោក Elon Musk នៅក្នុងចម្រៀងទើបចេញថ្មីមួយបទ ដែលនាងជាអ្នកនិពន្ធផ្ទាល់។ បទ “Player of Games” មានអត្ថន័យដៀលនាយកក្រុមហ៊ុន Tesla ថាជាមនុស្សវក់តែនឹងហ្គេម មិនគិតគូដល់នាងដែលជាមនុស្សក្បែរខ្លួនឡើយ។

នៅក្នុងអត្ថន័យនៃចម្រៀងរបស់តារ​វ័យ ៣៣ ឆ្នាំ​រូប​នេះ ​បាន​រៀបរាប់បន្ថែមថា ​លោក Elon Musk ​មិនខ្វល់នឹងសង្សារ នោះទេ ខណៈលោកយកពេលភាគច្រើនចំណាយទៅលើហ្គេម។

ឆ្លើយតបនឹងបទចម្រៀងឌឺដងចំៗបែបនេះ មហាសេដ្ឋី Tesla និងជានាយកប្រតិបត្តិក្រុមហ៊ុន SpaceX បានចេញមុខបកស្រាយថា ការបែកគ្នារវាងលោកនិង Grimes ដោយសារតែលោកឧស្សាហ៍ធ្វើដំណើរទៅក្រៅប្រទេសញឹកញាប់ ហើយភាគច្រើនលោកស្នាក់នៅរដ្ឋ តិចសាស់ ខណៈអតីតមិត្តស្រី និងកូនប្រុសរបស់លោកស្នាក់នៅ ឡូសអេនជឺឡេស។​ ដូច្នេះលោកគ្មានពេល នៅក្បែរពួកគេច្រើនទេ។

ត្បិតតែចែកផ្លូវគ្នាក៏ដោយ ក៏ Elon Musk នៅតែមានទំនាក់ទំនងល្អនឹងកូនដែរ។ មហាសេដ្ឋីរូបនេះ តែងតែព្យាយាមទៅលេងអតីតមិត្តស្រី និងកូនប្រុសពៅរបស់លោកជាញឹកញាប់។

សូមទស្សនា និងស្ដាប់អត្ថន័យចម្រៀងខាងក្រោម

ប្រែសម្រួល៖ សន្យា

ចុចអាន៖ Shawn ទម្លាក់បទថ្មី សង្ស័យផ្ញើទៅ Camila ជាពិសេស

ចុចអាន៖ ភាពលេចធ្លោ ៤ចំណុច នាំឱ្យបវរកញ្ញា វៀតណាម ដណ្ដើមបានមកុដ MGI 2021