“Squid Game” ក្លាយជាភាពយន្តបរទេសតែមួយគត់ ឈ្នះពានរង្វាន់មួយនេះ

ក្រោយទទួលជោគជ័យយ៉ាងខ្លាំងក្លា ដោយបានទាក់ទាញចំនួនអ្នកទស្សនាច្រើនបំផុតលើតារាងរបស់ Netfix ទូទាំងពិភពលោក ​ពេលនេះ “Squid​ Game” បានជាប់ពានរង្វាន់មួយ ពី វិទ្យាស្ថានភាពយន្តអាមេរិក (AFI)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ វិទ្យាស្ថានភាពយន្តអាមេរិក (AFI) បានប្រកាសអ្នកឈ្នះពានរង្វាន់ AFI Awards ឆ្នាំ២០២១ ហើយខ្សែភាពយន្ត “Squid Game” គឺជាកម្មវិធីទូរទស្សន៍តែមួយគត់ក្នុងចំណោមភាពយន្តបរទេស ក្រៅពីអាមេរិក ដែលទទួលពានរង្វាន់ ក្នុងឆ្នាំនេះ។

ជារៀងរាល់ឆ្នាំ វិទ្យាស្ថានភាពយន្តអាមេរិក (AFI) តែងតែជ្រើសរើសភាពយន្តល្អបណ្ដាច់ចំនួន ១០ និងកម្មវិធីទូរទស្សន៍ល្អបំផុតចំនួន ១០ ​ដែលស្ថិតក្រោមលក្ខណៈវិនិច្ឆ័យរួមមាន “សមិទ្ធិផលនៃវប្បធម៌ និងសិល្បៈ ដើម្បីភាពផ្លាស់ប្តូរ” ដើម្បីទទួលបានពានរង្វាន់ AFI ប្រចាំឆ្នាំរបស់ខ្លួន។

សម្រាប់ឆ្នាំ ២០២១ នេះ វិទ្យាស្ថានភាពយន្តអាមេរិក បានជ្រើសរើសផ្តល់ពានរង្វាន់ពិសេសមួយបន្ថែមទៀត ដើម្បីទទួលស្គាល់ស្នាដៃសិល្បៈដែលមិនស្ថិតនៅក្រោមលក្ខណៈវិនិច្ឆ័យរបស់ AFI Awards ពីមុន​ឡើយ។ ដោយសារកម្មវិធី AFI Awards មានបំណងចង់លើកតម្កើងសមិទ្ធិផលក្នុងវិស័យភាពយន្ត និងកម្មវិធីទូរទស្សន៍អាមេរិក ខ្សែភាពយន្តភាគកូរ៉េ “Squid Game” ជាខ្សែភាពយន្តទទួលពានរង្វាន់ពិសេស AFI សម្រាប់ឆ្នាំ ២០២១ ដែលនេះធ្វើឱ្យវាក្លាយជាកម្មវិធីទូរទស្សន៍បរទេសតែមួយគត់ដែលទទួលបានពានរង្វាន់ AFI នៅឆ្នាំនេះ។

ដោយឡែក ការប្រគល់ពានរង្វាន់ AFI Awards ឆ្នាំ២០២១ នឹងប្រារព្ធជាលក្ខណៈឯកជនពិសេសមួយ នាថ្ងៃទី ៧ ខែមករា ឆ្នាំ ២០២២ខាងមុខនេះ៕

ប្រែសម្រួល៖ សន្យា

ចុចអាន៖ “Squid Game” របស់ MrBeast ធ្វើឲ្យអ្នកគាំទ្រ និងអ្នករិះគន់ ជជែកគ្នាបែកផ្សែង

ចុចអាន៖​ មេរៀនជីវិតដ៏សំខាន់ពីផលិតករភាពយន្ត “Squid Game” គ្រប់គ្នាគួររៀនសូត្រ