ជីវិតកម្សាន្ដ
លោក ព្រាប សុវត្ថិ និងភរិយា វ័យកាន់ចាស់ ស្នេហាកាន់តែផ្អែមល្ហែម
រហូតមកទល់ពេលនេះ ចំណងស្នេហារបស់កំពូលតារាចម្រៀង លោក ព្រាប សុវត្ថិ និងភរិយា អ្នកស្រី ឡុង ស្រីមុំ មានអាយុកាលជាង ២៤ ឆ្នាំមកហើយ បន្ទាប់អ្នកទាំងពីរបានភ្ជាប់ចំណងអាពាហ៍ពិពាហ៍ដ៏រឹងមាំទទួលបានកូនប្រុស ៣ នាក់គួរឱ្យស្រលាញ់។
មហាជន និងអ្នកគាំទ្រកត់សម្គាល់ឃើញថា ចំណងស្នេហ៍របស់លោក ព្រាប សុវត្ថិ និងភរិយាថ្វីដ្បិតតែមកទល់ពេលនេះអ្នកទាំងពីរហាក់មានវ័យជ្រេបន្តិចហើយក្តី ប៉ុន្តែសុភមង្គលគ្រួសាររបស់ពួកគេកាន់តែមានសេចក្តីសុខ និងផ្អែមល្ហែមឡើងទ្វេដង ខណៈអ្នកគាំទ្រមួយចំនួនធំតែងសម្តែងការសារទរ និងសរសើរថាជាគូស្នេហ៍គំរូ។
នៅថ្ងៃខួបកំណើតភរិយាថ្មីៗនេះ តារាចម្រៀងលោក ព្រាប សុវត្ថិ បានធ្វើឱ្យភរិយារបស់ខ្លួនបង្ហាញការរំភើបដោយសារតែពាក្យជួនពរ និងការផ្តល់ភាពកក់ក្តៅ ជាមួយរូបភាពផ្អែមល្ហែមជាច្រើន។ លោក ព្រាប សុវត្ថិ បានថ្លែងពាក្យជួនពរយ៉ាងពិសេសថា៖ “ស្រឡាញ់ភរិយា មិនមែន ១ ថ្ងៃ ១ ឆ្នាំ ១០ ឆ្នាំ នោះទេ តែគឺស្រឡាញ់អូនជារៀងរហូត ឬអស់ ១ ជីវិតតែម្ដង”។
ជាការកត់សម្គាល់ នេះពុំមែនជាលើកទី ១ នោះទេ ដែលលោក ព្រាប សុវត្ថិ តែងតែផ្ដល់ស្នាមញញឹមទៅ ឱ្យភរិយានោះ ពោល តារាប្រុសរូបនេះតែងតែធ្វើឱ្យភរិយារបស់លោក មានស្នាមញញឹមរហូតមក។
គួររំលឹកថា លោក ព្រាប សុវត្ថិ បានរៀបការជាមួយភរិយាឈ្មោះ ឡុង ស្រីមុំ ក្នុងឆ្នាំ ១៩៩៧ នៅ រាជធានីភ្នំពេញ។ នៅ ពេលនោះពុំសូវមានការចាប់អារម្មណ៍ឡើយ។ លុះដល់ឆ្នាំ ២០០៤ លោកបានថត និងសម្តែងបទ “លោកឪពុក” ហើយបានយកកូនប្រុសបងមកសម្ដែងជាមួយ ទើបអ្នកគាំទ្រភាគច្រើនដឹងថា លោកមានភរិយា និងមានកូនប្រុសរួចទៅ ហើយ។ នៅ ឆ្នាំ ២០១៨ កូនទាំងបីរបស់លោក បានចេញមកប្រកាសជា អ្នកចម្រៀង ក្នុងផលិតកម្ម ជាមួយលោកដែរ។ អ្វីដែលមើលឃើញនោះ ជីវិតស្នេហារបស់លោក ពុំដែលលេចឮព័ត៌មានមិនល្អឡើយ ពោលគឺឃើញមានតែភាពស្រស់ស្រាយពោរពេញដោយក្តីសុខ និងសុភមង្គល៕
អត្ថបទ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ