ជីវិតកម្សាន្ដ

ម៉ា ដូណា ហួសចិត្តលើការផ្សព្វផ្សាយមួយចំនួនដែលបំផ្លើសផ្ទុយការពិត

បានផុស

៤ years មុន

នៅ

ថ្ងៃព្រហស្បតិ៍ ២០ មករា ២០២២

ដោយ

ភ្នំពេញ ៖ លោក ម៉ា ដូណា ដែលជាតារាសម្តែងមានប្រជាប្រិយភាពបានបង្ហាញការហួសចិត្តខ្លាំងលើបណ្តាញផ្សព្វផ្សាយមួយចំនួនតូច ដែលបានធ្វើការសរសេរព័ត៌មានរបស់លោកផ្ទុយពីការពិតករណីរងគ្រោះដោយសារបញ្ហាកូនតុងទីនបោកអស់ជាងកន្លះលានដុល្លារ។

ជាការពិតតារាសម្តែងលោក ម៉ា ដូណា ថ្មីៗនេះបា នធ្វើឲ្យអ្នកគាំទ្រភ្ញាក់ផ្អើលនិងចាប់អារម្មណ៍គ្រប់ គ្នាបន្ទាប់ពីលោកបានទម្លាយនូវរឿងរ៉ាវដ៏រសើបដែលផុងខ្លួននឹងការលេងតុងទីនរហូតចាញ់បោកគេអស់លុយជាង៥០ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញបញ្ហានេះបានក្លាយជាប្រធានបទក្តៅសម្រាប់អ្នកគាំទ្រក៏ដូចជាមហាជនទូទៅពិសេសបណ្តាសារព័ត៌មានមួយចំនួនយកទៅចុះផ្សាយផងដែរ។ ប៉ុន្តែក្នុងនោះក៏មានសារព័ត៌មានអនឡាញខ្លះបានចុះផ្សាយបំផ្លើសផ្ទុយពីការពិតដែលធ្វើឲ្យ ម៉ា ដូណា ប្រតិកម្មចំពោះរឿងរ៉ាវនេះផងដែរ។

បើតាមសម្តីលោក ម៉ា ដូណា បានបញ្ជាក់ដូច្នេះថា ចូលអ្នកព័ត៌មានទាំងឡាយដែលសរសេរពីខ្ញុំសូមសរសេរដោយគិតពីអារម្មណ៍ខ្ញុំផងដើម្បីផេចខ្លួនឯងឲ្យគេចូលមើលច្រើនសរសេរបំផ្លើសពីការពិត ឲ្យបងប្អូនមួយចំនួនច្រឡំថា ខ្ញុំខ្ចីលុយគេអត់សងជេររូបខ្ញុំពេញនឹងបងមិនខ្លាចបាបទេ។

លោក ម៉ា ដូណា បន្ថែមទៀតថា សូមត្រូវសរសេរថា ខ្ញុំចេញសងលុយគេជំនួស មិនមែនខ្ចីលុយគេយំអង្វរសុំជំនួយទេស្អែកឡាយពីពួកផេអត់ប្រយោជន៍របស់ពួកអ្នកឯងបន្តិច។ដោយក្តីគោរពបងប្អូនជួយ Share ឲ្យបងអ្នកព័ត៌មានបានយល់ពីអារម្មណ៍ខ្ញុំផង។

យោងតាមការរៀបរាប់របស់ ម៉ា ដូណា បានអះអាងថាមូលហេតុដែលធ្វើឲ្យលោកមកផុងខ្លួនរឿងលេងតុងទីននេះដោយសារការទុកចិត្តមិត្តភក្តិការរាប់អាន ការដឹងឮដោយខ្លះមានងារជាជំទាវ ឯកឧត្តម ឧកញ៉ា និងមិត្តភក្តិដែលជិតដិតរួមអាជីពសិល្ប: ដោយគិតថាអ្នកសិល្ប:ល្បីគេមិនបោកយើងទេ។ប៉ុន្តែលទ្ធផលចុងក្រោយយើងក្លាយជាជនរងគ្រោះត្រូវរកលុយដោះបំណុលជំនួសគេទៅវិញ៕

ដោយ ៖ ចាន់រ៉ា