ជីវិតកម្សាន្ដ

គង់ សុជាតិ មោទនភាពខ្លាំង ខណៈកូនស្រីបណ្ដូលចិត្តបញ្ចប់ការសិក្សាដោយជោគជ័យ

បានផុស

២ years មុន

នៅ

ថ្ងៃពុធ ២៦ មិថុនា ២០២៤

ដោយ

អ្នកនាង គង់ សុជាតិ ពិធីការិនីល្បីឈ្មោះសម្តីចាក់ទឹកមិនលិច ខណៈកូនស្រីច្បងបញ្ចប់ការសិក្សាដោយជោគជ័យ នាងបានបង្ហាញអារម្មណ៍មោទនភាព និងសប្បាយរីករាយជាខ្លាំង។ អ្នកគាំទ្រយល់ឃើញថា នេះគឺជាលទ្ធផលល្អគាប់ប្រសើរមួយទៀត ដែលធ្វើឲ្យអ្នកនាង គង់ សុជាតិ ក្នុងនាមជាម្តាយ សម្តែងក្តីត្រេកអរចំពោះការខិតខំប្រឹងប្រែងសិក្សារបស់កូនស្រីពេលនេះ។ អ្នកនាង គង់ សុជាតិ ក៏បានលើកឡើងដែរថា វាជាជោគជ័យដ៏ល្អ និងធំធេងខ្លាំងណាស់ សម្រាប់កូនស្រីរបស់ខ្លួន ដែលមិនធ្វើឲ្យខ្លួនខកបំណង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីការិនីចាស់វស្សាអ្នកនាង គង់ សុជាតិ បានថ្លែងពីអារម្មណ៍ថា “ការខិតខំរបស់កូនពិតជាមោទកភាពរបស់ម្តាយ និងក្រុមគ្រួសាររបស់យើងណាស់ ទីបំផុតកូនធ្វើវាបានហើយ ពិតជាកូនស្រីច្បងដ៏ល្អរបស់ម៉ាក់ណាស់ ជូនពរកូនឲ្យជោគជ័យបន្តទៀត ក្នុងជីវិត I love you somuch”។

ជាមួយគ្នានេះ រឿងដែលអ្នកគាំទ្រកត់សម្គាល់ និងសរសើរពិធីការិនីជើងចាស់រូបនេះទៀតនោះ ព្រោះអ្នកនាង គង់ សុជាតិ គឺជាម្តាយដែលចិញ្ចឹមកូនបានល្អ ស្តាប់តាមដំបូន្មានម្តាយ-ឪពុក ខណៈឆ្នាំនេះកូនស្រីច្បងនាងកាន់តែធំក្រមុំពេញរូបពេញរាងស្រស់ស្អាត ហើយថែមទាំងឆ្លាតទៀតផង។