ជីវិតកម្សាន្ដ
ពីអ្នកចម្រៀងតាមហាងតូចតាច តន់ ច័ន្ទសីម៉ា ក្លាយជាគ្រាប់ពេជ្រប្រចាំផលិតកម្ម Galaxy Navatra
ពីអ្នកចម្រៀងតាមហាងធម្មតា តារាចម្រៀងវ័យក្មេងសំឡេងពីរោះ តន់ ច័ន្ទសីម៉ា តាមចាប់ក្ដីស្រមៃរហូតក្លាយខ្លួនជាគ្រាប់ពេជ្រប្រចាំផលិតកម្ម Galaxy Navatra។
ទម្រាំមានឈ្មោះល្បីល្បាយដល់បច្ចុប្បន្ននេះ តារាចម្រៀងស្រីកំពុងឡើងកូដ តន់ ច័ន្ទសីម៉ា បានឆ្លងកាត់រឿងរ៉ាវជូរចត់ និងលំបាកជាច្រើន ដែលទស្សនិកជនមួយចំនួនប្រហែលជាមិនធ្លាប់ដឹងពីមុនមក។ តន់ ច័ន្ទសីម៉ា មានស្រុកកំណើតនៅខេត្តតាកែវ ដែលលោកឪពុកជាមន្ត្រីរាជការ និងម្ដាយជាស្ត្រីមេផ្ទះ នាងជាកូនទី ៣ ក្នុងចំណោម ៤ នាក់ ស្រីទាំងអស់ ហើយនាងក៏ជាក្មេងស្រីមានដុងសិល្បៈតាំងពីកំណើត។ ផ្ដើមចេញពីការស្រលាញ់វិស័យសិល្បៈផ្នែកចម្រៀង សីម៉ាបានខិតខំប្រឹងប្រែងដាក់ពាក្យប្រលងចម្រៀងក្នុងកម្មវិធីតូចធំជាច្រើន ដើម្បីឈាងចាប់ក្ដីស្រមៃក្លាយជាតារា។ ក្រៅពីការសិក្សា សីម៉ា ក៏បានទៅច្រៀងតាមភោជនីដ្ឋានផ្សេងៗដើម្បីជួយផ្គត់ផ្គង់គ្រួសារ។
នៅឆ្នាំ ២០១៦ សីម៉ា ក៏បានបោះជំហានឈានចូលប្រលងក្នុងកម្មវិធី The Voice Cambodia រដូវកាលទី ២ តែនាងមិនទទួលបានជោគជ័យនោះទេ។ ដោយសារសេចក្ដីស្រលាញ់ និងភាពមិនបោះបង់ តន់ ច័ន្ទសីម៉ា បានបន្តដំណើរជីវិតរបស់ខ្លួន រហូតដល់អ្នកគ្រប់គ្រងផលិតកម្ម Galaxy Navatra ចាប់អារម្មណ៍នូវទេពកោសល្យ និងសមត្ថភាពលោកក៏បានផ្ដល់ឱកាសឲ្យនាងធ្វើជាតារាចម្រៀងប្រចាំផលិតកម្មនៅឆ្នាំ ២០១៩។ ភ័ព្វសំណាងក៏មកដល់ តន់ ច័ន្ទសីម៉ា ក៏បានចេញបទចម្រៀង ២ បទ នៅក្នុងផលិតកម្ម Galaxy Navatra គឺ យល់ច្រឡំគេស្រលាញ់យើង និងបទ គេនោះជាស្រីកាប់ដាវ ដែលផ្ទុះការគាំទ្រស្ទើមិនគួរឲ្យជឿដែលបានធ្វើឲ្យនាងក្លាយជាតារាស្រីមានប្រជាប្រិយភាព ប្រៀបដូចជាគ្រាប់ពេជ្រប្រចាំផលិតកម្ម Galaxy Navatra។
សូមជម្រាបថា កញ្ញា តន់ ច័ន្ទសីម៉ា ជាតារាចម្រៀងស្រីកម្ពុជាដំបូង ដែលវីដេអូចម្រៀងមានអ្នកចូលទស្សនាលើស ១០០ លានដង ជាមួយបទAre u okay៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)