ជនបរទេសចាប់អារម្មណ៍ខ្លាំង ពេលឃើញ ជីមមី ស្លៀកសម្លៀកបំពាក់ច្នៃពីក្រមា

អ្នកគាំទ្រ និងប្រើប្រាស់បណ្តាញសង្គមហ្វេសប៊ុកផ្ទុះការចាប់អារម្មណ៍គ្រប់គ្នាបន្ទាប់ពីឃើញពិធីការិនីរាងតូចច្រឡឹង ជីមមី នាំយកទៅបង្ហាញនូវឈុតសម្លៀកបំពាក់ក្រមាខ្មែរយ៉ាងស្រស់ស្អាត ហើយលេចធ្លោនៅឯក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងដំណើរកម្សាន្តនៅឯក្រៅប្រទេសនេះដែរ ក្រៅតែបង្ហាញពីភាពសប្បាយរីករាយនៅលើទឹកដីសហរដ្ឋអាមេរិក ពិធីការិនី ជីមមី ក៏បានធ្វើឲ្យអ្នកគាំទ្រ និងប្រើប្រាស់បណ្តាញសង្គមលាន់មាត់សរសើរក្រោយឃើញនាងយកសម្លៀកបំពាក់ដែលច្នៃចេញពីក្រមាខ្មែរយ៉ាងស្រស់ប្រណិតទៅបង្អួតភ្នែកជនបរទេសនៅទីនោះ។ មិនតែប៉ុណ្ណោះថែមទាំងធ្វើឲ្យជនជាតិបរទេសមួយចំនួនចាប់អារម្មណ៍ខ្លាំងរហូតពួកគេបាននាំគ្នាសួរនាំពីសម្លៀកបំពាក់ច្នៃពីក្រមាខ្មែរដែលនាងស្លៀកបង្ហាញទៀតផង។

បើតាមសម្តីរបស់ស្រីស្អាត ជីមមី បានរៀបរាប់ឲ្យដឹងថា ក្រមាខ្មែរកាបូបកំប្លោកខ្មែរនៅRODEO DRI VE ,Beverly Hills សហរដ្ធអាមេរិក។ ជីមមី បន្តទៀតថា «ជនជាតិគេសួរនាងខ្ញុំថា តើសម្លៀកបំពាក់ខ្ញុំបានមកពីណា? នាងខ្ញុំប្រាប់គេថា ឈុតនេះហោះត្រង់មកពីកម្ពុជា គេលាន់មាត់ឈុតក្រមាយើងថា ស្អាតនិងប្លែកពីគេ ទាំងដែលទីតាំងនោះមានសុទ្ធតែប្រេនល្បីៗ តែក្រមាខ្មែរយើងបែរជាលេចធ្លោមួយបែប និងទាក់ទាញចំណាប់អារម្មណ៍អ្នកនៅទីនេះច្រើន»។

ពិធីការិនី ជេមមី បានលើកឡើងបន្ថែមដោយសម្តីដូចច្នេះថា របស់យើងបើមិនខំផ្សព្វផ្សាយមិនខំបង្ហាញមិនខំចែករំលែកបរទេសអាចនឹងមិនដឹង និងមិនយល់ពីតម្លៃនោះទេ។ តាមរយ:នេះមានការគាំទ្រពីមហាជនជាច្រើនបន្ទាប់ឃើញនាងបង្ហាញរូបសម្ផស្សជាមួយឈុតក្រមាខ្មែរបែបនេះ៕

អត្ថបទ៖ ចាន់រ៉ា