ជីវិតកម្សាន្ដ
កន្លែងកម្សាន្ត ដែលបុគ្គលល្បីៗនិយមទៅដើរលេង ពេលវិស្សមកាល
សម្រាប់អ្នកមានៗជាច្រើនលើលោក ក៏ដូចជាបុគ្គលល្បីល្បាញនានា ពេលវិស្សមកាលនារដូវក្ដៅ ជាពេលវេលាល្អបំផុតសម្រាប់ពួកគេ ក្នុងការលំហែកាយ និងជួបជុំក្រុមគ្រួសារ។ ក្នុងនោះពួកគេជ្រើសរើសទីកម្សាន្តដែលមានមនុស្សតិច ស្ងប់ស្ងាត់ ប៉ុន្តែប្រណីតខ្លាំង និងត្រូវចំណាយកប់ពពកឯណោះ។ តួយ៉ាងដូចជា៖
តារាបាល់ទាត់ Ronaldo
ក្រៅពីតួនាទីជាកីឡាករបាល់ទាត់ Ronaldo ក៏ត្រូវបានគេស្គាល់ថាជាមហាសេដ្ឋីដែលមានទ្រព្យសម្បត្តិដ៏ធំសម្បើមផងដែរ។ រដូវក្តៅនេះ កីឡាករ និងគ្រួសាររបស់លោកបានធ្វើដំណើរ ១០ថ្ងៃទៅកាន់កោះ Majorca ប្រទេសអេស្ប៉ាញ។
វាជាលើកទី២ហើយ ដែលលោកបានត្រឡប់មកទឹកដីនេះ។ ក្នុងដំណើរកម្សាន្តនេះដែរ បុរសជនជាតិព័រទុយហ្គាល់បានប្រើប្រាស់យន្តហោះឯកជនរបស់ខ្លួន ដើម្បីនាំក្រុមគ្រួសារទៅកាន់រមណីយដ្ឋាន Majorca ។
មហាសេដ្ឋី Elon Musk
មហាសេដ្ឋីបច្ចេកវិទ្យា Elon Musk ថ្មីៗនេះមានវិស្សមកាល នៅ Saint Tropez ប្រទេសបារាំង។ កន្លែងនេះត្រូវបានគេស្គាល់ជាកន្លែងដើរលេងរបស់មហាសេដ្ឋីលំដាប់ៗ ដែលមានភាពប្រណីតបំផុត។ អមដំណើររបស់លោកក្នុងវិស្សមកាលនេះ គឺមិត្តស្រីរបស់លោក ដែលជាតារាសម្តែងអូស្រ្តាលី ឈ្មោះ Natasha Bassett អាយុ ២១ឆ្នាំ ។
Saint Tropez ជាផ្ទះឆ្នេរដ៏ស្រស់ស្អាតបំផុតនៃសមុទ្រមេឌីទែរ៉ាណេដែលមានទឹកពណ៌ខៀវស្រងាត់។ ចាប់ពីខែឧសភាដល់ខែមិថុនា កន្លែងនេះជាកន្លែងដ៏មមាញឹកណាស់។ មិនត្រឹមតែ Elon Musk ប៉ុណ្ណោះទេ កន្លែងនេះក៏ជាគោលដៅរបស់តារាល្បីៗជាច្រើននៅលើពិភពលោកផងដែរ។
មហាសេដ្ឋី Mark Zuckerberg
ចំពោះ Mark Zuckerberg វិញ លោកបានចំណាយពេលទំនេរយ៉ាងច្រើនជាមួយការជិះទូកលេងលើដីផ្ទាល់ខ្លួនដែលមានទីតាំងនៅកោះហាវ៉ៃ (Hawaii) ឬ Lake Tahoe ក្នុងទំហំ ៦០០ហិកតា។
លើសពីនេះ Mark Zuckerberg ក៏ជាម្ចាស់រមណីយដ្ឋានប្រណីត ដែលជាកន្លែងសម្រាកលំហែកាយជាមួយក្រុមគ្រួសារផងដែរ។ មហាសេដ្ឋីវ័យ ៣៤ឆ្នាំរូបនេះ ក៏បានចំណាយប្រាក់ចំនួន ៥៩ លានដុល្លារ ដើម្បីវិនិយោគលើដី២ នៅជាប់គ្នាក្នុងរដ្ឋកាលីហ្វ័រញ៉ា និងរដ្ឋណេវ៉ាដា។
មហាសេដ្ឋី Larry Ellison
Larry Ellison ជាស្ថាបនិក Oracle និងជាម្ចាស់កោះ Lanai ទាំងមូលដែរ។ Ellison បានទិញកោះហាវ៉ៃនៃ Lanai ក្នុងតម្លៃ ៣០០លានដុល្លារ កាលពីឆ្នាំ២០១២។ ចាប់តាំងពីទិញវាមក លោកបានប្រែក្លាយកោះនេះទៅជាឋានសួគ៌វិស្សមកាលសម្រាប់ខ្លួនលោក និងសម្រាប់មហាសេដ្ឋីនានា។
មហាសេដ្ឋី Jeff Bezos
វីឡាមួយនៅ Maui រដ្ឋ Hawaii គឺជាកន្លែងវិស្សមកាលដ៏ល្អឥតខ្ចោះសម្រាប់ស្ថាបនិកក្រុមហ៊ុន Amazon លោក Jeff Bezos ។ Bezos និងមិត្តស្រី Lauren Sánchez បានទិញផ្ទះដែលមានទីតាំងនៅតំបន់ដាច់ស្រយាលមួយនៅ South Coast កាលពីខែតុលា ឆ្នាំមុន។ កោះនេះនៅដាច់ស្រយាលខ្លាំង មានភាពស្ងប់ស្ងាត់ និងនៅជិតវាលទំនាបភ្នំភ្លើង ដែលមានតម្លៃ ៧៨លានដុល្លារ។ Bezos បានចំណាយពេលសឹងទាំងអស់ ស្នាក់នៅវីឡា Maui នារដូវក្តៅនេះ៕
ប្រែសម្រួល៖ សន្យា
ចុចអាន៖ ជីកកកាយចំណូលកប់ក្ដោង បងប្អូនស្រីត្រកូល Kardashian និង Jenner
ចុចអាន៖ វត្ថុស្រោបមាសទាំងនេះ មានតែសេដ្ឋីៗប៉ុណ្ណោះ ដែលអាចជះលុយទិញប្រើបាន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល