អតីតតួ សាន់ឆាយ ប្រកាសមានផ្ទៃពោះ ក្នុងវ័យ ៤៦ឆ្នាំ

ជាដំណឹងដ៏ភ្ញាក់ផ្អើលសម្រាប់អ្នកគាំទ្រ ក្រោយអតីតតួ សាន់ឆាយ ប្រកាសថាខ្លួនកំពុងមានផ្ទៃពោះ បន្ទាប់ពីនាងបានរៀបការស្ងាត់ៗជាមួយ DJ ​Koo កាលពីខែមីនាកន្លងទៅ។

ថ្មីៗនេះប្រព័ន្ធផ្សព្វ​ផ្សាយចិន ​បានឱ្យដឹងថា ​តារាសម្ដែង​ស្រី Bar​bie ​Hsu ​ដែលជាអតីតតួឯកស្រីរឿង “ស្នេហា ៤ដួង” របស់តៃវ៉ាន់ កំពុងមានផ្ទៃពោះបាន ២ខែ ជាមួយនឹងស្វាមីទី២។ ដំណឹងនេះបានបង្កការភ្ញាក់ផ្អើលយ៉ាងខ្លាំងចំពោះអ្នកគាំទ្រ ដោយសារឆ្នាំ២០២២នេះ ​សាន់ឆាយ មានអាយុ ​៤៦ឆ្នាំទៅហើយ។

ទោះបីប្រកាសដំណឹងមានផ្ទៃពោះយ៉ាងនេះក្ដី ប៉ុន្តែប្រភពព័ត៌មានក្នុងស្រុកបានទម្លាយថា នាងមិនមានបំណងចង់បានកូនឡើយ ខណៈវ័យនេះក៏ជាវ័យមួយ​ដែល​ពិបាក​ពពោះ​សម្រាប់តារាស្រីរូបនេះផងដែរ៕

ប្រែសម្រួល៖ សន្យា

​ចុចអាន៖ Amber នៅតែមិនសុខចិត្ត​លើសេចក្តី​សម្រេចរបស់តុលាការ​ ​ពេលនេះកំពុងបន្តប្ដឹងទៅឧទ្ធរណ៍

ចុចអាន៖ ទោះកំពុងពពោះ Ye Jin នៅតែឆ្លៀតទៅធ្វើការ រកចំណូលជួយគ្រួសារ