បេក្ខភាពរូបនេះ ត្រូវមហាជនរំពឹងថា អាចឈ្នះមកុដបវរកញ្ញាចក្រវាលថៃ ឆ្នាំ២០២២

បវរកញ្ញា Nicolene-Pichapa Limsnukan កំពុងក្លាយជាបេក្ខភាពលេចធ្លោលើឆាក Miss Universe Thailand 2022 រហូតធ្វើឱ្យមហាជនជឿជាក់យ៉ាងមុតមាំថា នាងអាចដណ្ដើមបានមកុដនាឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បវរកញ្ញា Nicolene-Pichapa Limsnukan មានវ័យ ២៣ឆ្នាំ ជាកូនកាត់ថៃ-ចិន-អាមេរិក ពេលនេះកំពុងទាក់ទាញប្រជាប្រិយភាពយ៉ាងខ្លាំងពីទស្សនិកជន ដោយសាររូបសម្រស់ស្រស់ស្អាត ទេពកោសល្យប៉ិនប្រសប់ និងបទពិសោធន៍ជោគជ័យក្នុងវិស័យសម្រស់នាពេលកន្លងមក។

ត្រឡប់ទៅឆ្នាំ២០១៤ នាងធ្លាប់​ចូល​រួម​ប្រកួត​បវរកញ្ញា​ថៃ New Year USA 2014 ហើយ​​ឈ្នះ​ពានរង្វាន់ Best Sportswear និង Best Thai Apparel ។

ឆ្នាំ២០១៥ បវរកញ្ញារូបនេះបានចូលរួមក្នុងកម្មវិធីប្រកួត Miss Teen Asia USA 2015 ហើយឈ្នះពានរង្វាន់ពីរផងដែរពីកម្មវិធីគឺ Best Personality និង Best National Costume ។

ក្នុងឆ្នាំ២០១៨ នាងចូលរួមក្នុងការប្រឡង Miss Universe Thailand 2018 ដោយបានជាប់ដល់វគ្គកំពូលទាំង១០ និងឈ្នះពានរង្វាន់ People’s Choice Award ។ នៅឆ្នាំដដែលនាងបានបន្តចូលប្រកួតបវរកញ្ញាពិភពលោក ហើយ​ក្លាយជាម្ចាស់មកុដ​ Miss Global Thailand 2018 ដោយ​ជោគជ័យ​។

ក្នុង​ឆ្នាំ ២០១៨ កញ្ញា Nicolene បាន​តំណាង​ឲ្យ​ប្រទេស​ថៃ​ចូល​រួម​ប្រកួត​បវរកញ្ញា​ពិភពលោក​ឆ្នាំ ២០១៨ នៅ​ប្រទេស​ចិន ហើយ​ដណ្តើម​បាន​តំណែង​លំដាប់រងទី១។

ដោយឡែកនៅឆ្នាំនេះ Nicolene បានចូលរួមក្នុងការប្រឡងបវរកញ្ញាចក្រវាលថៃម្ដងទៀត ដែលនាងជាសមាជិកក្រុមរបស់អតីតបវរកញ្ញាចក្រវាលថៃ ឆ្នាំ២០២០ កញ្ញា Amanda Abdam ហើយគេរំពឹងថា Nicolene អាចនឹងទទួលជយលាភីឯកមិនខាន៕

ប្រែសម្រួល៖ សន្យា

ចុចអាន៖ មូលហេតុវៀតណាមជ្រើសរើស បវរកញ្ញាកម្ពុជាក្រោម ជំនួសតំណែងម្ចាស់ជយលាភី