តាមពិតក្រុម BLACKPINK ដំបូងបំផុត មិនមែនមានសមាជិកតែ ៤នាក់ទេ

BLACKPINK ជាក្រុមចម្រៀងស្រីដ៏ធំបំផុតមួយនៅក្នុងវិស័យ K-Pop ហើយសមាជិកទាំង ៤នាក់ គឺជាបង្គោលដ៏សំខាន់ដែលធ្វើឱ្យក្រុមនេះ ទទួលបានប្រជាប្រិយភាពទាំងនៅកូរ៉េ និងជុំវិញពិភពលោក។

ទោះជាយ៉ាងណា អ្នកគាំទ្រមួយចំនួនប្រហែលមិនបានដឹងទេថា តាមពិតសមាជិកក្រុមក្រុម BLACKPINK ដំបូងបំផុតមិនមែនមានតែ Jisoo, Jennie, Rosé និង Lisa ឡើយ គឺពួកគេមានសមាជិករហូតដល់ ៩នាក់ឯណោះ ខណៈកាលណោះក្រុមនេះមានឈ្មោះថា PINK PUNK ។

តើមានរឿងអ្វីកើតឡើងចំពោះក្រុម BLACKPINK ដើមបំផុត ទើបសមាជិក ៥នាក់ផ្សេងទៀត មិនមានវត្តមាននាពេលបច្ចុប្បន្ននេះ?

១. Miyeon

គេប្រទះឃើញរូបថតជាច្រើនសន្លឹកនៅលើអ៊ីនធឺណិតនៃការហ្វឹកហាត់របស់ Miyeon ជាមួយសមាជិកក្រុម BLACKPINK អំឡុងពេលនាងនៅធ្វើជាមួយផលិតកម្ម YG Entertainment ។ ពុំមានប្រព័ន្ធផ្សព្វផ្សាយណាទម្លាយមូលហេតុនៃការចាកចេញរបស់សមាជិករូបនេះឡើយ។

យ៉ាងណាមិញ បច្ចុប្បន្ន Miyeon កំពុងជាប់កុងត្រាជាមួយផលិតកម្ម Cube Entertainment បន្ទាប់ពីចាកចេញពីផលិតកម្ម YG Entertainment ហើយនាងបានបង្ហាញខ្លួនជាសមាជិកក្រុម (G)I-DLE ក្នុងឆ្នាំ ២០១៨។

២. Jinny

Jinny គឺជាអ្នកហ្វឹកហាត់នៅ YG Entertainment អស់រយៈពេលប្រហែល ៥ឆ្នាំ និងធ្លាប់ជាសមាជិកម្នាក់របស់ក្រុម BLACKPINK មុនពេលនាងចាកចេញពីក្រុមហ៊ុននេះ។ ការចាកចេញរបស់ Jinny មកពីនាងត្រូវចូលរួមនៅក្នុងកម្មវិធី Produce 48 ដែលជាកម្មវិធីដែលបង្កើតដោយ IZ*ONE ។

បន្ទាប់មកនាងក៏ត្រូវលុបឈ្មោះចេញពីកម្មវិធី ប៉ុន្តែភ្លាម Jinny បានចូលជ្រកក្រោមទ្រនំ Vine Entertainment ក្នុងនាមជាសមាជិកនៃក្រុម Secret Number ។

៣. Euna Kim

Euna Kim ក្លាយខ្លួនតារាចម្រៀងឱ្យ​ផលិតកម្ម YG Entertainment បន្ទាប់​ពី​ការ​បង្ហាញ​ខ្លួននៅ​​ក្នុង​កម្មវិធី Superstar K3។ អតីតសមាជិកក្រុម BLACKPINK រូបនេះបានចាកចេញពីក្រុមហ៊ុន ក្រោយធ្វើការបាន ៣ឆ្នាំ ព្រោះជម្លោះផ្ទៃក្នុង។

នៅឆ្នាំ២០១៤ នាងបានចេញបទចម្រៀងទោលរបស់ខ្លួន ប៉ុន្តែហាក់មិនទទួលជោគជ័យឡើយ។ ក្នុងឆ្នាំ ២០១៥ នាងចូលជាសមាជិកក្រុម The Ark ប៉ុន្តែ ១ឆ្នាំក្រោយមក ក្រុមនេះប្រកាសរំសាយទៅ។ អំឡុងឆ្នាំ ២០១៨ នាងចូលរួមជាមួយក្រុម KHAN ប៉ុន្តែពួកគេបានរំសាយនៅឆ្នាំ២០២០។ តាំងពីពេលនោះនាង​សម្រេចចិត្ត​រៀប​ការ និងមិនប្រឡូកក្នុងវិស័យចម្រៀងទៀតទេ ​ហើយ​បច្ចុប្បន្ននាង​កំពុង​រស់​នៅ​សហរដ្ឋ​អាមេរិក។

៤. Jang Hanna

អតីតសមាជិក ​Jang Hanna បានចូលរួមជាមួយផលិតកម្ម YG Entertainment ក្នុងឆ្នាំ ២០១៤ បន្ទាប់ពីបង្ហាញខ្លួនក្នុងកម្មវិធី K-Pop Star 3 ។

Jang Hanna សម្រេចចាកចេញពីផលិតកម្ម YG Entertainment ក្នុងឆ្នាំ ២០១៧ ដោយមិនមានមូលហេតុច្បាស់នោះទេ។

៥. Kim Eunbi

តារាស្រីរូបនេះ មិនខុសពីសមាជិកពីរនាក់មុននោះទេ នាងចូលធ្វើការជាតារាចម្រៀងប្រចាំ​ផលិតកម្ម YG Entertainment បន្ទាប់​ពី​ការ​បង្ហាញ​ខ្លួន​​ក្នុង​កម្មវិធី Superstar K2។

យ៉ាងណាមិញ Kim Eunbi ប្រកាសដកខ្លួនពីផលិតកម្ម YG Entertainment ក្នុងឆ្នាំ ២០១៤ ដោយសារបញ្ហាសុខភាព។ លុះដល់ឆ្នាំ២០១៩ នាងបានក្លាយជាតារាចម្រៀងទោល ប្រចាំផលិតកម្ម Stone Music Entertainment ៕

ប្រែសម្រួល៖ សន្យា

ចុចអាន៖ ក្រុម Girls’ Generation ​ប្រកាសចេញ​អាល់​ប៊ុមថ្មី​ ​ក្រោយ​​បាត់​មុខ​អស់​ ​៥​ឆ្នាំ