ជីវិតកម្សាន្ដ
សម្ដេចក្រឡាហោម ស ខេង ឧបត្ថម្ភថវិកា១ពាន់ដុល្លារដល់តារាជើងចាស់ សំ តារាវុទ្ធី ដែលធ្លាក់ខ្លួនឈឺធ្ងន់
បន្ទាប់ពីមានដំណឹងនៃការធ្លាក់ខ្លួនឈឺធ្ងន់របស់តារាសម្តែងជើងចាស់លោក សំ តារាវុទ្ធី ដោយសារកើតមានជំងឺមហារីកសួតធ្ងន់ធ្ងរដំណាក់កាលចុងក្រោយនោះ គេសង្កេតឃើញមានសប្បុរសជនជាច្រើនបានចូលរួមឧបត្ថម្ភ ដើម្បីជួយគ្រួសារតារាសម្តែងលោក សំ តារាវុទ្ធី ខណៈសព្វថ្ងៃកំពុងសម្រាកព្យាបាលនៅភូមិ ជូស ឃុំជីខ្មារ ស្រុកទ្រាំង ខេត្តតាកែវ ។
ជាមួយគ្នានេះ ដោយមើលឃើញពីក្តីអាណិតអាសូរចំពោះគ្រួសារតារាសម្តែងលោក សំ តារាវុទ្ធី ដែលកំពុងជួបការខ្វះខាតនោះ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានចាត់តំណាងនាំយកថវិកាចំនួន១ពាន់ដុល្លារ ទៅឧបត្ថម្ភដល់លោក សំ តារាវុទ្ធី ផងដែរ។ នេះបើតាមការបញ្ជាក់របស់លោក អ៊ឹម ជីវ៉ា។
ប្រភពបានប្រាប់ឲ្យដឹងទៀតថា តារាកំប្លែងនាយ ក្រឹម បាននាំយកថវិកាចំនួន១០០០ដុល្លារដែលជាថវិកាផ្ទាល់របស់សម្តេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃឧបត្ថម្ភដល់តារាសម្តែងលោក សំ តារាវុទ្ធី ដែលមានជំងឺមហារីកសួតធ្ងន់ធ្ងរ កំពុងសំរាកព្យាបាលនៅស្រុកកំណើត ។
បើយោងតាមសម្រង់សម្តីរបស់តារាកំប្លែងនាយ ក្រឹម បានថ្លែងបញ្ជាក់មកកាន់លោក អ៊ឹម ជីវ៉ា ទៀតថា សមានចិត្តមិនអាចកាត់ថ្លៃបាន សម្ដេចក្រឡា ហោម ស ខេង នៅថ្ងែ២៣ ខែធ្នូ ឆ្នាំ២០២០ដោយ មានការអាណិតអាសូរដល់សិល្បករជើងចាស់លោក សំ តារាវុទ្ធី ដែលមានជំងឺប្រចាំកាយ(ជំងឺរបេង មហារីកសួត) កម្រិតធ្ងន់ ។ ប្រភពបន្តថា សម្ដេចក្រ ឡហោម ស ខេង និងលោកជំទាវបានផ្តល់ថវិកាចំនួន១ពាន់ដុល្លារ (មួយពាន់ដុល្លារ) ជួយរំលែកដល់ទុក្ខលំបាក និងបន្តថែព្យាបាលជំងឺដ៏កាចសា ហាវនេះ។
ក្នុងនាមខ្ញុំជាតារាកំប្លែងមួយរូប ក៏ដូចជាសិល្បៈខ្មែរទាំងអស់ សូមគោរពថ្លែងអំណរគុណ និងអរគុណ ដល់គុណូបការៈរបស់សម្ដេចក្រឡាហោម ស ខេង និងលោកជំទាវ បុត្រាបុត្រី ដែលតែងតែមើល ឃើញនូវទុក្ខលំបាករបស់សិល្បករ និងប្រជាជនទូទាំងប្រទេស។ នេះជាសម្តីបន្ថែមរបស់តារាកំប្លែងនាយ ក្រឹម៕
អត្ថបទ ៖ ចាន់រ៉ា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)