ជីវិតកម្សាន្ដ

ពេជ្រ ចរណៃ ខំប្រឹងហ្វឹកហាត់ត្រៀមសម្តែងមហោស្រពរបាំក្បាច់បុរាណខ្មែររឿង «ព្រះបាទជ័យវរ្ម័នទី៧»

បានផុស

៤ years មុន

នៅ

ថ្ងៃចន្ទ ១៥ សីហា ២០២២

ដោយ

ដើម្បីជាការលើកស្ទួយនិងគាំទ្រនូវសម្បត្តិវប្បធម៌ដ៏ល្អផូរផង់របស់ខ្មែរ តារាសម្តែង និងជាគ្រូគុនល្បុក្កតោល្បីឈ្មោះកញ្ញា ពេជ្រ ចរណៃ បានប្រាប់ឲ្យដឹងថា សព្វថ្ងៃនាងបាននឹងកំពុងតែខិតខំហ្វឹកហាត់ស្ទើរគ្មានពេលសម្រាប់ទេ។

តារាស្រីរូបស្រស់កញ្ញា ពេជ្រ ចរណៃ បានលើកឡើងថា” យើងខ្ញុំបានខិតខំហ្វឹកហាត់ទាំងយប់ថ្ងៃ ដើម្បីត្រៀមសម្ដែងបង្ហាញជូនពុកម៉ែបងប្អូន ភ្ញៀវជាតិ និងអន្តរជាតិទស្សនា តាមរយៈកម្មវិធីមហោស្រព របាំក្បាច់បុរាណខ្មែររឿង«ព្រះបាទជ័យវរ្ម័នទី៧ ដកស្រង់ត្រង់ឈុតស្នាព្រះហស្ត និងសមិទ្ធផលនៃមហាវីរក្សត្រទាំង៣អង្គ» “។

តារាសម្តែងល្បីឈ្មោះកញ្ញា ពេជ្រ ចរណៃ បាននិយាយទៀងថា ខ្ញុំសង្ឃឹមថានឹងមានវត្តមានរបស់ប ងប្អូនដែលកំពុងអានសារនេះផងដែរ ព្រោះមិនត្រឹមតែជាការចូលរួមទស្សនាតែជាការគាំទ្រលើកស្ទួ យ និងរក្សាវប្បធម៌ខ្មែរយើងទាំងអស់គ្នា។ ម្យ៉ាងទៀតសារទាំងនេះ គឺចង់ឲ្យបងប្អូនទាំងអស់គ្នាមកគាំទ្រនូវសម្បត្តិវប្បធម៌ ដែលខ្លួនមានដែលប្រទេសនៅជុំវិញពិភពលោក។

កញ្ញា ពេជ្រ ចរណៃ បានបន្ថែមថាសម្រាប់កម្មវិធីវប្បធម៌នេះ នឹងរៀបចំសម្តែងនៅសាលសន្និសីទចតុម្មុខចាប់ពីថ្ងៃទី ២៧ និងទី ២៨ ខែសីហា ឆ្នាំ ២០២២។ ក្នុងនោះគឺមានការសម្តែងពីរពេលចាប់ពីវេលាម៉ោង ១៥:០០ រសៀល និង វេលាម៉ោង ១៨:០០ ល្ងាច។ ចំណែកសំបុត្រចូលទស្សនាមានលក់តាមរយៈអនឡាញតេឡេក្រាម ០៧៧ ៤៤៤ ៣៣៥ និងមានការលក់ផ្ទាល់នៅសាលសន្និសីទចតុម្មុខចាប់ពីថ្ងៃ ២២ ដល់ថ្ងៃទី ២៨ ខែសីហា ឆ្នាំ ២០២២៕