ជីវិតកម្សាន្ដ

កែភេទ ៥-៦ ឆ្នាំ ផេនខេក ប្រកាសថាខ្លួនកំពុងមានអាការៈឈឺធ្ងន់

បានផុស

៤ years មុន

នៅ

ថ្ងៃពុធ ៧ កញ្ញា ២០២២

ដោយ

តារាសម្តែង និងជាពិធីការិនីភេទទី ៣ ផេនខេក កន្លងត្រូវបានអ្នកគាំទ្រដឹងហើយថា ក្រោយពេលវះកាត់ដោះដូរភេទបានសម្រេចហើយនោះ រូបគេបានប្រែក្លាយជានារីពេញលក្ខណៈ។ ប៉ុន្តែរឿងដែលគេចាប់អារម្មណ៍ស្រាប់តែពេលនេះ នាងកំពុងជួបបញ្ហាផ្នែកសុខភាពផ្នែកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅលើទំព័រហ្វេសប៊ុករបស់តារាភេទទី ៣ ផេនខេក នៅរសៀលថ្ងៃទី ០៧ ខែកញ្ញា ឆ្នាំ ២០២២ នេះនាងបានបង្ហោះសារដោយផ្តាំផ្ញើទៅបងប្អូនភេទទី ៣ ដែលធ្លាប់ឆ្លងវះកាត់ផ្លាស់ប្ដូរភេទចន្លោះពី ៥ ទៅ ៦ ឆ្នាំ កុំភ្លេចទៅពិនិត្យសុខភាពឲ្យបានទៀងទាត់ ដោយហេតុថា ពេលនេះនាងកំពុងមានអាការៈឈឺធ្ងន់ ព្រោះតែការធ្វេសប្រហែសទើបកើតមានរឿងគួរឲ្យបារម្ភនេះ។

ផេនខេក បានលើកឡើងបែបនេះថា សូមផ្ដាំទៅបងប្អូនភេទទីបីទាំងអស់គ្នា អ្នកដែលគាត់កែភេទចា ប់ពី ៥ ទៅ ៦ ឆ្នាំ សូមកុំភ្លេចទៅឆែកសុខភាពផង។ កុំឱ្យដូចខ្ញុំពេលឈឺតិចតូចទុក គិតថាមិនអីតែដល់ពេលធ្ងន់ទើបដឹង។ (សូមពាក្យជូនពរនឹងកំលាំងចិត្តម្នាក់មួយមើលបងប្អូន)។

ជាមួយគ្នានៃការរៀបរាប់របស់ពិធីការិនី ផេនខេក ខាងលើនេះ គេឃើញមានអ្នកគាំទ្រមួយចំនួនបានផ្ញើសារលើកទឹកចិត្ត និងជួនពរនាងគ្រប់គ្នា ខណៈខ្លះទៀតយល់ឃើញថា ការបង្ហាញរបស់ ផេនខេក នេះជាសារដ៏ល្អ និងដាស់តឿនសម្រាប់អ្នកដែលកែភេទផងដែរ៕

អត្ថបទ៖ ចាន់រ៉ា