BLACKPINK នឹងឡើងសម្ដែងបទថ្មីទើបចេញក្នុងកម្មវិធីទូរទស្សន៍ដ៏ល្បីល្បាញរបស់ អាមេរិក

បើយោងតាមផលិតកម្ម YG Entertainment បានឲ្យដឹងកាលពីថ្ងៃចន្ទថា ក្រុម BLACKPINK នឹងឡើងសម្ដែងបទចម្រៀង ‘Shut Down’ ក្នុងកម្មវិធី “Jimmy Kimmel Live!” របស់ទូរទស្សន៍អាមេរិក ABC នៅថ្ងៃអង្គារនេះ ដើម្បីផ្សព្វផ្សាយអាល់ប៊ុមថ្មីរបស់ពួកគេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ វានឹងក្លាយជាការបង្ហាញខ្លួនលើក ២ របស់ BLACKPINK ក្នុងកម្មវិធីជជែកកម្សាន្តពេលរាត្រីដ៏ពេញនិយមរបស់អាមេរិក ក្រោយខកខានរយៈពេល ២ ឆ្នាំ ចាប់តាំងពីក្រុមតារាចម្រៀងនារីដ៏មានប្រជាប្រិយភាពមួយនេះបានបង្ហាញខ្លួនជាលើកដំបូងក្នុងឆ្នាំ ២០២០ សម្រាប់ការផ្សព្វផ្សាយអាល់ប៊ុមដំបូងរបស់ខ្លួនដែលមានឈ្មោះថា “The Album” ។

ទន្ទឹមនោះ BLACKPINK ក៏នឹងបង្ហាញមុខក្នុងកម្មវិធីផ្សេងៗរបស់អាមេរិកផងដែរ​​ ដើម្បីផ្សព្វផ្សាយអាល់ប៊ុម “Born Pink” ដែលជាប់នៅលើតារាង Billboard Hot 100 និងឈរនៅលើកំពូលតារាង Top Albums របស់ iTunes ។

ជាពិសេសបទចម្រៀងមួយនេះបានជាប់អាល់ប៊ុមកំពូលរបស់ Apple Music ក៏ដូចជាក្លាយជាបទចម្រៀងប្រចាំថ្ងៃដ៏ល្បីល្បាញរបស់ Spotify រយៈពេល ២ ថ្ងៃជាប់គ្នា ចាប់តាំងពីពេលបទចម្រៀងនេះត្រូវបានចាក់ផ្សាយតាមវិទ្យុនៅឯអាមេរិក ៕

ប្រែសម្រួលដោយ ៖ នាងតូច

ចុចអាន៖MV ថ្មី “Shut Down” របស់ BLACKPINK ផលិតយ៉ាងសម្រិតសម្រាំង និងបង្កប់លក្ខណៈពិសេសៗ

ចុចអាន៖ប៉ោមខ្មៅដែល Lisa កាន់ក្នុងបទ “Pink Venom” គឺជាផ្លែពិត ឯតម្លៃថ្លៃមិនធម្មតា