មហាជនព្រួយបារម្ភ ក្រោយម្ដាយ Nadech ទម្លាយឃ្លិប និងរូបភាពទឹកជំនន់លិចផ្ទះកាន់តែខ្លាំង

មហាជន​ជាច្រើន​មានការ​បារម្ភ​ជា​ខ្លាំង ក្រោយម្ដាយរបស់ Nadech បាន​បញ្ចេញ​រូបភាព​ទឹកជំនន់​ជន់​លិច​ផ្ទះ នៅ​ខេត្ត​ខនកែន ខណៈកូនប្រុសក៏ភ័យ បន្ទាប់ពីឃើញទឹក​ឡើងកាន់តែ​ខ្ពស់​ជាង​មុន។

នៅក្នុងរូបភាព​និង​ឃ្លិប​ដែលម្ដាយរបស់ Nadech Kugimiya បានបង្ហោះ ​គឺក្រោយមាន​​ភ្លៀង​ធ្លាក់​ខ្លាំង បណ្ដាល​ឲ្យ​ទឹក​ជន់​លិច​ផ្ទះគ្រប់ទីកន្លែង រកតែផ្លូវចេញទៅក្រៅមិនបាន។

យ៉ាងណាមិញ Mae Kaew ដែលជាម្ដាយ Nadech បានសរសេរសំណេរ​ថា “អូ!ម្តាយ​ទើប​ត្រឡប់​ពី​ខុន​កែន​ម៉ា​វ៉ាន់ព្រឹកនេះ! ម៉ែ ផាត ផ្ញើររូបទឹកលិចផ្ទះ។ ម៉ាក់ទើបតែត្រលប់មកវិញ ខ្ញុំបារម្ភពីម៉ាក់ប៉ា!! ព្រោះ​ទឹក​លិច​អស់​រាប់​ម៉ែត្រ​ហើយ​លើក​នេះ​ឃើញ​ថា ​ត្រូវ​ដឹក​ម៉ែ​ផាត់​ឡើង​ជាន់​ទី​២ ខ្ញុំ​បារម្ភ​ខ្លាំង​ណាស់។ សូមបួងសួង និងលើកទឹកចិត្ត​ឲ្យឆាប់ស្រកទៅវិញ ហើយកូនត្រូវឆាប់ត្រលប់មកផ្ទះ Nadech។”

ក្រោយមក Mae Kaew ក៏បានបង្ហាញរូបភាពមួយឈុតទៀត បង្ហាញ​ពី​កម្ពស់​ទឹក​មិន​ស្រក​ទាល់​តែ​សោះ ដោយ​សរសេរខេបសិនថា “ឥឡូវត្រូវ​ឡើងប្រយុទ្ធទាំងអស់គ្នា! សូមចូលរួមរំលែកទុក្ខ​ដល់​គ្រប់​ក្រុម​គ្រួសារ​ផ្សេងៗ​ផង​ដែរ។”

នៅ​ពេល​ដែល Nadech ឃើញ​បែបនេះ​ភ្លាម លោក​ក៏​ប្រញាប់ Comment ជាមួយ Emoji រាងដូច​មនុស្សភ្ញាក់ផ្អើល​នឹង​អ្វី​ដែល​បាន​ឃើញ​សឹង​មិនជឿ ខណៈ​មិត្តភ័ក្ដិ​ក្នុង​ឧស្សាហកម្ម​កម្សាន្ត​ថៃ និង​អ្នកគាំទ្រ​ជាច្រើន ​បាន​លើកទឹកចិត្ត​និង​ជូនពរ​ឲ្យ​គ្រួសារ​របស់​តារាសម្ដែងរូបនេះមាន​សុវត្ថិភា​ពផងដែរ៕

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖Pancake កាន់តែកើនប្រជាប្រិយភាពខ្លាំងក្លា ទោះរៀបការហើយក្ដី

ចុចអាន៖អាហារពេលល្ងាចរបស់គូស្នេហ៍ Mak ហ្វេនចាប់អារម្មណ៍ឈុតចំហទ្រូង និងតម្លៃគ្រឿងអលង្ការ Kimberley