ជីវិតកម្សាន្ដ
អ៊ុំ សំណាង ចង់ប្រែក្លាយជីវិតជាតារាចម្រៀងអាជីពក្រោយផ្ញើវាសនាតាមរោងអកកាដង់ជិត១០ឆ្នាំ
ដោយសារតែមានដុងពីកំណើតហើយស្រលាញ់លើអាជីពសិល្បៈផ្នែកចម្រៀងតារាប្រុសថ្គាមខ្លាលោក អ៊ុំ សំណាង បានខិតខំស្រវ៉ាពុះពារបណ្តែតខ្លួនមកផ្ញើវាសនាលើថ្នាលនៃវិថីសិល្បៈ(ច្រៀងតាមរោងអកកាដង់) អស់រយៈពេលប្រមាណ១០ឆ្នាំមកហើយ។ ប៉ុន្តែអ្វីដែលលោកនូវមិនទាន់មានឱកាសនិងសម្រេចក្តីប្រាថ្នានោះ គឺចង់ក្លាយជាតារាចម្រៀងអាជីពដូចតារាប្រុស-ស្រីឯទៀត។
រៀបរាប់ពីខ្សែជីវិតដ៏កម្សត់របស់ខ្លួនលោក អ៊ុំ សំណាង បានប្រាប់កម្ពុជាថ្មីថា កាលពីនៅក្មេងលោកស្រលាញ់ការសិក្សាណាស់ តែដោយសារជីវភាពគ្រួសារជួបការលំបាក ទើបបង្ខំចិត្តឲ្យខ្លួនឈប់រៀនត្រឹមថ្នាក់ទី៩ ដើម្បីយកពេលទៅជួយរកប្រាក់ចំណូលផ្គត់ផ្គង់ដល់ក្រុមគ្រួសារនិងបងប្អូនដែលរស់នៅជាមួយបន្ទុករបស់ឪពុក-ម្តាយ។ លោកថា ក្រោយពេលឈប់រៀងខ្លួនក៏ចាប់ផ្តើមជួយការងាររកប្រាក់ចំណូលឪពុកម្តាយ ហើយក្រោយមកទៀតក៏មានឱកាសស្គាល់ម្ចាស់ភ្លេងអកកាដង់ដែលទៅលេងនៅតាមខេត្ត ទើបលោកសម្រេចចិត្តលើកដៃសំពះសុំគេសាកសម្លេង។
លោក អ៊ុំ សំណាងបានបន្តថា គ្រានោះហើយទើបខ្លួនទទួលបានការអាណិតនិងផ្តល់ឱកាសពីម្ចាស់អកកាដងនោះ ដើម្បីបានចេញច្រៀងរកកម្រៃជួយគ្រួសារ។ លោកថា ដោយមានឱកាសនេះហើយទើបលោកបានក្លាយជាអ្នកចម្រៀងតាមរោងអកកាដងរហូតដល់សព្វថ្ងៃ ដោយមិនប្រកាន់ក្រុមណានោះទេ ពោលគឺឲ្យតែមានគេទាក់ទងហៅ គឺលោកទទួលចេញច្រៀងជានិច្ច ប៉ុន្តែរឿងដែលលោកមិនទាន់សម្រេចបំណងនោះ គឺគិតមកទល់ពេលនេះការប្រឡូកលើរោងអកកាដង់មានរយៈពេលជិត១០ឆ្នាំហើយ តែមិនទាន់មានឱកាសក្លាយជាតារាចម្រៀងអាជីពដូចគេអ្នកផ្សេង ឬមិត្តភក្តិឡើយ។
តារាចម្រៀងដែលបច្ចុប្បន្នកំពុងផ្ញើវាសនានៅតាមរោងអកកាដង់លោក អ៊ុំ សំណាង បានបញ្ជាក់បន្ថែមថា រាល់ថ្ងៃក្រៅតែពីការចេញច្រៀងតាមកម្មវិធីមង្គការ ខួបកំណើត និងពិធីជប់លៀងផ្សេងៗនោះ លោកក៏បានយកពេលទំនេរទាំងនេះដើម្បីCoverបទចម្រៀងមរតកដើម ឬបទថ្មីៗដើម្បីផ្សព្វផ្សាយនៅលើបណ្តាញសង្គម យូធូ ផងដែរ។
សូមបញ្ជាក់ថា លោក អ៊ុំ សំណាង បច្ចុប្បន្នគឺជាអ្នកចម្រៀងតាមរោងអកកាដង់ ឬអកកេះដែលមានដើមកំណើតមកពីទឹកដីខេត្តក្រចេះ ខណៈសព្វថ្ងៃកំពុងរស់នៅទីក្រុងភ្នំពេញប្រកបអាជីពរកស៊ីផ្ទាល់ខ្លួនផងដែរ៕
អត្ថបទ ៖ ចាន់រ៉ា
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៧ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៧ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៧ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៧ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី