ឥណ្ឌូណេស៊ី ផ្អាកការប្រគំតន្ត្រីរបស់ K-pop បន្ទាប់ពីអ្នកគាំទ្រដួលសន្លប់តគ្នា (មានវីដេអូ)

យោងទៅតាមទីភ្នាក់ងារសារព័ត៌មានរដ្ឋឥណ្ឌូណេស៊ីរាយការណ៍ថា ប៉ូលិសបានបញ្ឈប់ការប្រគំតន្ត្រីរបស់ក្រុមចម្រៀង K-pop NCT 127 កាលពីថ្ងៃសុក្រ នៅទីក្រុងហ្សកាតា ក្រោយមនុស្សចំនួន ៣០ នាក់បានដួលសន្លប់ នៅពេលអ្នកគាំទ្រចាប់ផ្តើមរុញគ្នាដើម្បីចូលទៅជិតឆាក។

ទីភ្នាក់ងារព័ត៌មានបាននិយាយថា កម្មវិធីនេះមានអ្នកចូលរួមយ៉ាងតិច ៨០០០នាក់ បានដំណើរការប្រហែល ២ ម៉ោង ២០ នាទី ក្នុងអំឡុងពេលនៃការប្រគុំតន្ត្រីក្រុម NCT បានគប់ freebies (វត្ថុអនុស្សវរីតូចៗ) ចូលទៅក្នុងហ្វូងមនុស្សឯក្រោមឆាក រួចអ្នក​គាំទ្រ​បាន​រុញ​របាំង​ការពារ​នៅ​ខាង​មុខ​ឆាក សម្រុកទៅយករបស់អស់នោះ​ ជាហេតុធ្វើឲ្យមានការជាន់គ្នា។

ក្នុងនោះអ្នកនាំពាក្យប៉ូលិសលោក Endra Zulpan បាននិយាយថា” ការប្រគុំតន្ត្រីត្រូវបានបញ្ឈប់ ដើម្បីសុវត្ថិភាពទស្សនិកជន។ ប៉ូលិសបានបញ្ឈប់ការសម្តែង នៅពេលដែលទស្សនិកជនបានឆ្ពោះ ទៅកាន់មុខឆាកដែលក្រុមអ្នកសំដែងនៅទីនោះ ហើយការប៉ះទង្គិចនៃហ្វូងមនុស្សបានចាប់ផ្តើមកើតឡើង ដែលបណ្តាលឱ្យមនុស្ស ៣០ នាក់បាត់បង់ស្មារតី ” ភ្លាមៗ។

ជនរងគ្រោះទាំងអស់ ត្រូវបានរាយការណ៍មកថា បានទទួលការសង្រោះបឋមពីគ្រូពេទ្យនៅនឹងកន្លែង គ្មាននរណាម្នាក់ក្នុងចំណោមពួកគេតម្រូវឱ្យចូលមន្ទីរពេទ្យទេ។ ជាមួយគ្នានេះ ទីភ្នាក់ងារព័ត៌មានបានបន្ថែមទៀតថា បន្ទាប់ពីបញ្ចប់ការប្រគុំតន្ត្រី ប៉ូលិសបានធ្វើឱ្យប្រាកដថា ទស្សនិកជនបានចាកចេញពីកន្លែងនោះដោយសុវត្ថិភាព ដើម្បីការពារកុំឱ្យមានការឧប្បត្តិហេតុដល់ហ្វូងមនុស្សផ្សេងទៀត។

យ៉ាងណាមិញ ថ្ងៃទី ២ នៃការប្រគុំតន្ត្រីរបស់ NCT 127 បានប្រព្រឹត្តទៅកាលពីថ្ងៃសៅរ៍ អ្នករៀបចំកម្មវិធីដែលគ្រប់គ្រងសណ្តាប់ធ្នាប់នៅក្នុងផ្នែកឈរ ដើម្បីការពារសុវត្ថិភាពរបស់អ្នកទស្សនា ក៏ដូចជាប៉ូលីសមិនអនុញ្ញាតឱ្យក្រុម NCT ផ្តល់អំណោយវត្ថុអនុស្សវរីដល់អ្នកគាំទ្រឡើយ៕

ប្រែសម្រួល៖នាងតូច

ប្រភព៖sputniknews

ចុចអាន៖Blackpink នៅតែរក្សាតំណែងលើតារាង Billboard 200 ខណៈមិនទាន់មានក្រុមណា​វ៉ាដាច់

ចុចអាន៖ធ្លាយរូបថត Tao អតីតសមាជិក EXO ណាត់ជួបអតីតអ្នកហាត់ការស្រីរបស់ផលិតកម្ម SM