Mai Davika ចេញមុខឆ្លើយតបទាំងស្រងាកចិត្ត ក្រោយមតិរិះគន់លើបទចម្រៀងដំបូងរបស់ខ្លួន

បទចម្រៀងទោលលើកដំបូងរបស់តារាជួរមុខ Mai Davika ដែលទើបចេញផ្សាយមួយខែមកនេះ ហាក់មិនសូវទទួលបានការពេញនិយម ថែមទាំងទទួលមកវិញនូវមតិរិះគន់ ច្រើនជាងការគាំទ្រពីទស្សនិកជនទៀតផង។

បទចម្រៀង “Can I Call You Mine” រង​ការ​រិះគន់ និងការ​ Feedback មិនពេញចិត្តជាច្រើនពីមហាជនក្នុងវិស័យតន្ត្រី ហើយការរិះគន់នេះ បានធ្វើឱ្យម្ចាស់បទហាក់ស្រងាកចិត្តមិនស្ទើរឡើយ ត្បិតអីវាជាបទចម្រៀងទោលដំបូងរបស់ Mai Davika ក្នុងវិស័យចម្រៀង ប៉ុន្តែបែរជាទទួលការស្ដីបន្ទោសយ៉ាងចាស់ដៃ។

ទន្ទឹមនឹងការអាក់អន់ចិត្ត Mai Davika ក៏បានបញ្ចេញអារម្មណ៍ពិតរបស់ខ្លួន នៅលើ Twitter ដោយនាងសរសេរថា នាងមិនមែនជាអ្នកចម្រៀងនោះទេ ទើបច្រៀងមិនបានល្អ ប៉ុន្តែនាងជាតារាសម្តែងដែលខិតខំច្រៀង ហើយនាងពិតជាសប្បាយ​ចិត្ត ​ព្រោះ​ហោចណាស់បទ​ថ្មីនេះ​អាច​ធ្វើ​ឱ្យ​អ្នក​គាំទ្រមួយចំនួន​ញញឹម និងចូលចិត្តផងដែរ។

បន្ថែមពីលើហ្នឹង តារាស្រីវ័យ ៣០ឆ្នាំរូនេះ បានឆ្លៀតថ្លែងអំណរគុណដល់អ្នកគាំទ្ររបស់នាង សម្រាប់ការលើកទឹកចិត្ត និងការយោគយល់ចំពោះនាង ហើយបន្ទាប់ពីសាររ៉ាយរ៉ាប់របស់ Mai Davika បានបង្ហោះចេញលើបណ្ដាញសង្គម មិត្តប្រុសសំណព្វចិត្តរបស់នាងបានចូលទៅខមមិនលើកទឹកចិត្ត ដោយសរសេរពាក្យ “Forever” ភ្ជាប់ជាមួយ emojis រូបបេះដូងឱ្យនាងទៀតផង៕

សូមទស្សនាវីដេអូចម្រៀងខាងក្រោម!

ប្រែសម្រួល៖ សន្យា

ចុចអាន៖ មេធំ Miss Universe គ្រោងឱ្យថៃធ្វើជាម្ចាស់ផ្ទះ ក្នុងកម្មវិធីប្រកួតបវរកញ្ញាចក្រវាល ២០២៣

ចុចអាន៖ អ្នកគាំទ្រមិនសប្បាយចិត្ត បន្ទាប់ពី Mai Davika ហៅ PP Kritt នៅពាក្យមិនសមរម្យ