អតីតស្វាមីអ្នកស្រី Angelina Jolie មានទំនាក់ទំនងស្នេហាថ្មីអាយុក្មេងជាង ២៦ ឆ្នាំ

យោងតាមប្រភពពីគេហទំព័រព័ត៌មាន Page Six បានចេញផ្សាញថា តារាសម្តែង Brad Pitt ដែលជាអតីតស្វាមីអ្នកស្រី Angelina Jolie កំពុងមានទំនាក់ទំនងស្នេហាជាមួយនារីម្នាក់ឈ្មោះ Ines de Ramon ជាអតីតភរិយារបស់តារាសម្តែង Paul Wesley ។

តារាសម្តែង Brad Pitt ត្រូវបានគេឃើញទៅការប្រគុំតន្ត្រីជាមួយ Ines de Ramon ក្នុងទីក្រុង Los Angeles នៅល្ងាចថ្ងៃទី ១៣ ខែវិច្ឆិកា ហើយយោងតាមប្រភពជិតស្និទ្ធនឹងនាង Ines de Ramon បានឲ្យដឹងថា អ្នកទាំងពីរបានស្គាល់គ្នាមួយរយៈមកហើយ ។

តារាសម្តែងវ័យ ៥៨ ឆ្នាំ និងស្ត្រីអ្នកជំនួញវ័យ ៣២ ឆ្នាំរូបនេះបានទាក់ទងគ្នាប៉ុន្មានខែមកហើយ បន្ទាប់ពីបានស្គាល់គ្នាតាមរយៈមិត្តភ័ក្តិទៅវិញទៅមក ។ អ្នកផ្តល់ព័ត៌មានបានអះអាងថា Brad Pitt គឺពិតជាបានចូលទៅទាក់ទងជាមួយ Ines de Ramon ប្រាកដមែន ក្រោយពីនាងបែកគ្នាជាមួយតារាសម្តែង Paul Wesley កាល​ពី​ខែ​កញ្ញា​កន្លង​ទៅ​នេះ ជាពិសេស Brad Pitt ចូលចិត្តចំណាយពេលនៅជាមួយនាងថែមទៀតផង ។

យ៉ាងណាមិញ មកទល់នឹងពេលនេះ បន្ទាប់ពីបែកគ្នាជាមួយអតីតភរិយាអ្នកស្រី Angelina Jolie ហើយ តារាប្រុសរូបនេះ ថែមទាំងមានពាក្យចចាមអារ៉ាមថា ស្រលាញ់តារាសម្តែង និងតារាម៉ូដែលជាច្រើនផ្សេងទៀតផងដែរ ប៉ុន្តែលោកមិនមានឆ្លើយតបអ្វីទាំងអស់ ៕

ប្រែសម្រួល ៖ នាងតូច

ចុចអាន៖Angelina Jolie ចោទប្រកាន់អតីតស្វាមី Brad Pitt ប្រើអំពើហិង្សាកាលពី ៦ ឆ្នាំមុន

ចុចអាន៖Angelina Jolie ចោទប្រកាន់អតីតស្វាមីថា ក្លែងខ្លួនជាជនរងគ្រោះ