Angelina Jolie ចោទប្រកាន់អតីតស្វាមីថា ក្លែងខ្លួនជាជនរងគ្រោះ

តារាហូលីវូដ Angelina Jolie ​បានលើកឡើងនៅក្នុង​បណ្ដឹងរបស់ខ្លួនថា ​អតីតស្វាមីលោក Brad Pitt ព្យាយាមក្លែងជាជនរងគ្រោះដើម្បី​គ្រប់គ្រងរោងចក្រ​ស្រាទំពាំងបាយជូរតែម្នាក់ឯង ​ដែលវាជាទ្រព្យរបស់ពួក​គេ​ធ្លាប់សាង​រួម​គ្នា​អស់ពេលជាច្រើនឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងវ័យ ៤៧ឆ្នាំរូបនេះ បានឆ្លើយតប ​ព្រមទាំងច្រានចោលពាក្យបណ្តឹងរបស់អតីតស្វាមី ជុំវិញការលក់ភាគហ៊ុន Château Miraval របស់នាង ជាមួយនឹងពាក្យបណ្តឹងដែលបកទៅចោទប្រកាន់ Brad Pitt វិញថា លោកកំពុងធ្វើសង្រ្គាមសងសឹកប្រឆាំងនឹងនាង ចាប់តាំងពីអ្នកទាំងពីរលែងលះគ្នា ក្នុងឆ្នាំ២០១៦។

យោងតាមប្រភពពី​ People បានឱ្យដឹងថា ពេលនេះ អតីតក្រុមហ៊ុនរបស់ Angelina Jolie ឈ្មោះ Nouvel កំពុងទាមទារសំណងខូចខាតជាង ២៥០លានដុល្លារ ពី Brad Pitt ។ ក្នុងនោះមេធាវីរបស់ Angelina បានអះអាងថា តាមពិត Brad បានគ្រប់គ្រងលើរោងចក្រស្រាទំពាំងបាយជូរ Château Miraval ដែលមានទីតាំងនៅភាគខាងត្បូងប្រទេសបារាំងតាំងពីយូរហើយ ប៉ុន្តែលោកបែរជាចោទប្រកាន់លើអតីតភរិយាថាបានលក់ភាគហ៊ុននៅក្នុងរោងចក្រនេះទៅវិញ។ ចំពោះការចោទប្រកាន់របស់ Brad កាលពីពេលកន្លងមក Angelina បានបដិសេធទាំងស្រុង៕

ប្រែសម្រួល៖ សន្យា

ចុចអាន៖ Angelina Jolie ត្រូវអតីតស្វាមីហែកកេរ្តិ៍កប់ៗមាត់

ចុចអាន៖ សក់ខំទុករាប់ឆ្នាំ ពេលនេះតួឯកប្រុស Aquaman សុខចិត្តកាត់ចោល ដើម្បីការងារបរិស្ថាន