រថយន្តស៊េរីទំនើបរបស់ Jungkook ដាក់ដេញថ្លៃក្នុងតម្លៃកប់ក្ដោង

រថយន្តម៉ាក់ Mercedes-AMG G63 ដែលត្រូវបានគេស្គាល់ថាធ្លាប់ជាកម្មសិទ្ធិរបស់ Jungkook សមាជិកក្រុម BTS ត្រូវបានគេដាក់បង្ហាញនៅលើទីផ្សារដេញថ្លៃ ហើយបានកើនឡើងដល់តម្លៃ ៤២០ លានវ៉ុន (ប្រហែល ៣១០,០០០ ដុល្លារអាមេរិក)។

ខាងគេហទំព័រ BLACKLOT ដែលជាទីផ្សារបើកការដេញថ្លៃបានបញ្ឈប់ការដេញថ្លៃរថយន្ត Merce des-AMG G63 ដែលជាកម្មសិទ្ធិរបស់ Jungkook សមាជិកក្រុម BTS ដែលបានចាប់ផ្តើមពីតម្លៃ ១៥០ លានវ៉ុន (ប្រហែល ១១១,០០០ ដុល្លារអាមេរិច) ឡើងកើនទៅដល់តម្លៃ ៤២០ លានវ៉ុន (ប្រហែល ៣១០,០០០ ដុល្លារអាមេរិក)។​ ចំនួននៃការដេញថ្លៃស្ទើរតែកើនឡើងបីដងពីតម្លៃផ្តើម ប៉ុន្តែត្រូវបានផ្អាកមុនកាលកំណត់។

ទាក់ទងនឹងការលុបចោលនេះ ខាងក្រុមហ៊ុនបានពន្យល់ថា ”ការសម្រេចនេះធ្វើឡើងដោយព្រួយបារម្ភថា ជនមិនស្គាល់អត្តសញ្ញាណមកពីបរទេសបានចូលរួមដេញថ្លៃ ដែលអាចបង្កគ្រោះថ្នាក់ដល់អ្នកដែលធ្ងន់ធ្ងរចំពោះការដេញថ្លៃ”។ ជាពិសេសនៅដែលតម្លៃដេញថ្លៃបានកើនឡើងដល់ ៤២០ លានវ៉ុន (ប្រហែល ៣១០,០០០ ដុល្លារអាមេរិក) ដោយមិនរាប់បញ្ចូលពន្ធលើការចុះបញ្ជីរថយន្ត។

យ៉ាងណាមិញ Jungkook បានទិញរថយន្ត Benz G-Class AMG G63 Edition នៅក្នុងខែ កញ្ញា ឆ្នាំ ២០១៩ ក្រោមឈ្មោះរបស់លោកផ្ទាល់ ដោយសារមានគ្រោះថ្នាក់ជាមួយនឹងតាក់ស៊ីពេលកំពុងបើកបររថយន្ត ទើមរថយន្តនេះត្រូវបានប្រគល់ឱ្យទៅឈ្មួញឡាននៅខែ មីនា ឆ្នាំនេះ បន្ទាប់ពី Jungkook បានកាន់កាប់វាអស់រយៈពេលជាង ២ ឆ្នាំ៕

ប្រែសម្រួល៖នាងតូច

ចុចអាន៖កុមារី Ella Gross ដែលមានមុខស្រដៀង Jennie ពេលនេះធំពេញវ័យហើយ

ចុចអាន៖ខ្សែភាពយន្តរបស់តារាសម្តែង Park Eun Bin ឈ្នះពានរង្វាន់ International Emmy Award 2022