ឈុតតំណាងជាតិបវរកញ្ញាចក្រវាលវៀតណាម ឆ្នាំនេះ ច្នៃចេញពីកន្ទេលកក់

ពេលវេលានៃការប្រកួត Miss Universe 2022 កាន់តែកៀកមកដល់ តាមបណ្ដាប្រទេសនានាជុំវិញពិភពលោកចាប់ផ្ដើមបញ្ចេញឈុតតំណាងជាតិរបស់ខ្លួនជាបណ្ដើរៗ ​ខណៈវៀតណាមឯណោះវិញ ក៏បានបង្ហាញឈុតតំណាងជាតិ (National Costume) ជាផ្លូវការ ដែលឈុតនេះច្នៃចេញពីកន្ទេលកក់សឹងទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះពីផេកផ្លូវការរបស់ Miss Universe Vietnam នៅថ្ងៃទី២០ ខែធ្នូ ឈុតតំណាងជាតិរបស់បវរកញ្ញាចក្រវាលវៀតណាមកំពុងរៀបចំដេរប៉ាក់កែកុន​​សម្រេច​បាន ៩០% ហើយ ស្របពេលដែលឈុតឆ្នាំ២០២២ ហាក់ខុសប្លែកពីឆ្នាំមុនៗដាច់ ព្រោះឈុតនេះ ត្រូវបានច្នៃចេញពីដើមកក់ កន្ទេលកក់ និងកន្ទេលកំប្លោង ដែលប្រជាជនវៀតណាមនៅទីជនបទនិយមប្រើប្រាស់។

ទោះយ៉ាងណា ចំពោះអត្ថន័យយ៉ាងណានោះ ស្ថាប័ន Miss Universe Vietnam នៅមិនទាន់បកស្រាយជូនមហាជននោះទេ។

គួរបញ្ជាក់ថា កម្មវិធីប្រកួត Miss Universe 2022 នឹងប្រព្រឹត្តទៅនាខែមករា ឆ្នាំ២០២៣ ​នៅលើទឹកដីសហរដ្ឋអាមេរិក។ ដោយឡែកចំពោះ វៀតណាម បវរកញ្ញា ង៉ុកចូវ (Ngọc Châu) នឹងតំណាងឱ្យប្រទេស ចូលរួមប្រកួតសម្រស់កម្មវិធីដ៏ធំលំដាប់ពិភពលោកមួយនេះ៕

ប្រែសម្រួល៖ សន្យា

ចុចអាន៖ មកុដបវរកញ្ញាចក្រវាល ហ៊ុមព័ទ្ធដោយត្បូងពេជ្រ និងកណ្ដៀង ឯតម្លៃវិញកប់ក្ដោង

ចុចអាន៖ ក​ម្មវិធីប្រកួតបវរកញ្ញាចក្រវាល ២០២២ នឹងផ្លាស់ប្ដូរលក្ខខណ្ឌមួយចំនួន ក្រោយម្ចាស់ថ្មីឡើងកាន់តំណែង