ជីវិតកម្សាន្ដ

ខ្វះភាពកក់ក្ដៅ ! សុភ័ក្ត្រ កុសុម៉ា ត្អូញត្អែរថា ជីវិតក្នុងជាតិនេះកាន់តែក្បាលមីក្រូ

បានផុស

៤ years មុន

នៅ

ថ្ងៃចន្ទ ២៦ ធ្នូ ២០២២

ដោយ

ពិធីការិនីស្រអែមស្រស់ពូកែសម្ដី និងកំប្លុកកំប្លែងមិនចេះរីងស្ងួត កញ្ញា សុភ័ក្ត្រ កុសុម៉ា ថ្វីត្បិតការងារសិល្បៈបច្ចុប្បន្នកាន់តែជោគជ័យ និងទទួលបានការគាំទ្រពីទស្សនិកជនច្រើន តែសម្រាប់រឿងរ៉ាវស្នេហា តារាស្រីរូបនេះហាក់កំពុងឯកាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅថ្ងៃទិវា នៃក្ដីស្រលាញ់ “Christmas” ស្រាប់តែតារាសម្ដែង និងជាពិធីការិនីរូបស្រស់ កញ្ញា សុភ័ក្ត្រ កុសុម៉ា បានចេញមកត្អូញត្អែរប្រាប់ពីរឿងរ៉ាវជីវិតថា ក្នុងជាតិនេះជីវិតបានត្រឹមតែកាន់តែក្បាលមីក្រូទេមើលទៅ។ នាងថា ឆ្នាំណាក៏ដូចឆ្នាំណាដែរ គឺតែងតែបែបនេះរហូត (ខ្វះភាពកក់ក្ដៅណាស់ គេសុំខ្ចីស្មាអោបតិចមើល)។

សុភ័ក្ត្រ កុសុម៉ា បាននិយាយចេញពីអារម្មណ៍របស់ខ្លួនថា Christmas ឆ្នាំណា ក៏ដូចឆ្នាំណាដែរ គិតថាឆ្លងផុតថ្ងៃ Christmas ហើយ នៅឡើយអាថ្ងៃឆ្លងឆ្នាំទៀត បានអ្នកណាកាន់ដៃហ្នុង។ មើលទៅជីវិតនេះកាន់តែមីក្រូទៅ។ កុសុមា និយាយដែរថា ថ្ងៃឆ្លងឆ្នាំកាន់មីក្រូកាន់មែនព្រោះពេលនោះនាងត្រូវមានកម្មវិធីច្រើនត្រូវទទួលក្នុងថ្ងៃឆ្លងឆ្នាំ។

កត់សម្គាល់ថា សម្រាប់ទីផ្សារសិល្បៈរបស់ពិធីការិនី និងជាតារាចម្រៀងកញ្ញា សុភ័ក្ត្រ កុសុម៉ា សព្វថ្ងៃកំពុងទទួលបានការគាំទ្រ និងឱកាសចេញកើបលុយមិនចាញ់តារាសិល្បៈឯទៀត ឬមិត្តភ័ក្ដិរួមជំនាន់ឡើយ។ ប្រការនេះទើបត្រូវបានគេយល់ថា នាងមិនទាន់មាននរណាប្រជែងបានឡើយ៕

អត្ថបទ ៖ ចាន់រ៉ា