ជីវិតកម្សាន្ដ

ឆ្លងកាត់ការប្រកួត ២ វគ្គ បេក្ខភាព MTIC វង់សឿន អេរីម៉ា កាន់តែមានជំនឿចិត្ត និងសម្រស់លេចធ្លោ

បានផុស

៤ years មុន

នៅ

ថ្ងៃអង្គារ ២៧ ធ្នូ ២០២២

ដោយ

វង់សឿន អេរីម៉ា ដែលជាបេក្ខភាពប្រឡងកម្មវិធី Miss Teen International Cambodia 2023 បច្ចុប្បន្នកំពុងនិងបោះជំហាន សាងប្រជាប្រិយភាពលើវិស័យដើរម៉ូដ ខណៈពេលខាងមុខ ត្រូវបានគេរំពឹងថា យុវតីរូបនេះ នឹងអាចមានឱកាសដណ្ដើមបានជ័យលាភីពាំនាំកេរ្តិ៍ឈ្មោះប្រទេសកម្ពុជាឈរលើអន្តរជាតិទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងបន្ទាប់ពីឆ្លងកាត់ការប្រកួត ២ វគ្គកន្លងមក ត្រូវបានគេសង្កេតឃើញបេក្ខភាព វង់សឿន អេរីម៉ា បានបញ្ចេញសមត្ថភាព និងទេពកោសល្យបានយ៉ាងល្អ បូករួមជាមួយនឹងភាពក្លាហាន ព្រមទាំងរូបសម្រស់ស្រស់ស្អាតពីធម្មជាតិនៅលើឆាកប្រកួតមួយនេះ។ ប្រាកដណាស់បេក្ខជនស្រស់ស្អាត វង់សឿន អេរីម៉ា កាលពីរាត្រីថ្ងៃទី ២៤ ខែធ្នូ ឆ្នាំ ២០២២ ក៏បានបង្ហាញខ្លួនដោយភាពជឿជាក់ និងសម្រស់ដ៏លេចធ្លោក្នុងកម្មវិធីប្រកួត Miss Teen International Cambodia2023 ទទួលបានការគាំទ្រយ៉ាងច្រើនកុះករពីសំណាក់ទស្សនិកជន។

ផ្អែកលើភាពជឿជាក់ និងសេចក្ដីក្លាហានមានទំនុកចិត្តចំពោះសមត្ថភាពខ្លួនឯងដែលកើតចេញពីទេពកោសល្យការស្រលាញ់វិស័យដើរម៉ូដពីធម្មជាតិ ទើបបេក្ខភាពប្រឡង MTIC កញ្ញា វង់សឿន អេរីម៉ា អាចធ្វើបានយ៉ាងល្អគួរឲ្យមោទនៈរហូតទទួលបានជោគជ័យដោយឆ្លងផុតវគ្គ RUNWAY បន្តទៅវគ្គ Swimsuit។ បេក្ខភាព វង់សឿន អេរីម៉ា កាន់តែបង្ហាញក្ដីរំពឹងខ្ពស់ បន្ទាប់ពីជោគជ័យឆ្លងនៅវគ្គ The RUN WAY ដែលមានបេក្ខភាពប្រកួតជាង ១០០ នាក់ ហើយជម្រុះមកនៅត្រឹមតែ ៣០ នាក់ប៉ុណ្ណោះ។

បន្ទាប់ពីជោគជ័យទៅកាន់វគ្គបន្ត វង់សឿន អេរីម៉ា បង្ហាញអារម្មណ៍រំភើបទៅកាន់អ្នកគាំទ្រដូច្នេះថា ជម្រាបសួរពុកម៉ែបងប្អូនទាំងអស់គ្នា នាងខ្ញុំ វង់សឿន អេរីម៉ា ជាបេក្ខភាព Miss Teen International Cambodia ឥឡូវនេះនាងខ្ញុំបានជាប់ទៅវគ្គ Swimsuit ហើយ។ នាងខ្ញុំសូមអគុណដល់ពុកម៉ែបងប្អូនទាំងអស់គ្នា ដែលបានស្រឡាញ់ និងចូលចិត្តរូបនាងខ្ញុំ។ សង្ឃឹមថា បងប្អូននៅតែបន្តការគាំទ្ររូបនាងខ្ញុំនៅវគ្គបន្ទាប់ទៀត សូមអគុណ៕

អត្ថបទ ៖ ចាន់រ៉ា