កំពូលអ្នកច្នៃម៉ូដ Dame Vivienne Westwood ទទួលមរណភាពក្នុងអាយុ ៨១ ឆ្នាំ

អ្នកស្រី Dame Vivienne Westwood ជាអ្នកច្នៃម៉ូដជនជាតិអង់គ្លេសឈានមុខគេមួយរូប គាត់បានទទួលមរណភាពនៅអាយុ ៨១ឆ្នាំ កាលពីថ្ងៃទី២៩ ខែធ្នូ ឆ្នាំ២០២២ កន្លងទៅនេះក្នុងទីក្រុងឡុងដ៍ ដោយភាពស្ងប់សុខ និងមានគ្រួសារជាទីស្រលាញ់កំដរការចាកចេញរបស់គាត់ ។ 

អ្នកស្រី Westwood មានឈ្មោះដើមថា Vivienne Isabel Swire គាត់កើតនៅថ្ងៃទី៨ ខែមេសា ឆ្នាំ ១៩៤១ នៅក្នុងភូមិ Tintwistle ប្រទេស Cheshire ។ សម្រាប់ការសិក្សា នាងបានចូលរៀននៅសាលាវេយ្យាករណ៍ Glossop មុនពេលផ្លាស់ទៅរស់នៅជាយក្រុងឡុងដ៍នៃទីក្រុង Harrow ក្នុងឆ្នាំ ១៩៥៧ បន្ទាប់មកគាត់ចូលរៀនផ្នែកជាងដែកនៅសាលាសិល្បៈ Harrow ប៉ុន្តែដោយមានអារម្មណ៍ភ័យខ្លាចចំពោះពិភពសិល្បៈ គាត់បែរមកចុះឈ្មោះចូលរៀននៅមហាវិទ្យាល័យលេខាជំនួសវិញ ហើយក្លាយជាគ្រូបង្រៀនទៅ ។ និយាយពីប្រវត្តិស្នេហាជាមួយអតីតស្វាមីរបស់គាត់ Derek Westwood វិញគឺចាប់ផ្ដើមពីការជប់លៀងក្នុងឆ្នាំ ១៩៦១ និងរៀបការក្នុងឆ្នាំ ១៩៦២ ថែមទាំងស្លៀករ៉ូបរៀបការដែលច្នៃដោយខ្លួនឯងទៀតផង ។ ក្នុងចំណងអាពាហ៍ពិពាហ៍អ្នកទាំងពីរបន្សល់ទុកកូនប្រុស ១ ឈ្មោះ Benjamin Westwood​​ កើតនៅឆ្នាំ ១៩៦៣ និងលែងលះគ្នាទៅវិញពេលកូនប្រុសមានអាយុ ៣ឆ្នាំ ។

បច្ចុប្បន្នអ្នកស្រីមានកូនប្រុស ២នាក់ គឺ Joseph Corré មួយទៀត ដែលជាកូនរបស់លោក Malcolm McLaren គូស្នេហ៍ទីពីររបស់គាត់ ហើយពួកគេទាំងពីរធំដឹងក្ដីជាមួយគ្នាក្នុងទីក្រុងឡុងដ៍ខាងត្បូង ៕

ប្រែសម្រួលដោយ ៖ វារី

ចុចអាន ៖ វីរបុរសបាល់ទាត់ Pele ទទួលមរណភាពហើយ