កាតព្វកិច្ចបម្រើយោធារបស់តារាចម្រៀង​ Jin សមាជិកក្រុម BTS នៅមិនទាន់បានមួយខែនៅឡើយទេ ប៉ុន្តែទោះជាវាមិនយូរ ឬឆាប់យ៉ាងណា សម្រាប់អ្នកគាំទ្រតារាប្រុសរូបនេះ ពិតជាអន្ទះសារចង់ដឹងសុខទុក្ខរបស់លោកជាខ្លាំង ​ក្នុងកំលុងពេលហ្វឹកហាត់ ប៉ុន្មានសប្ដាហ៍មកនេះ។

អ្នកគាំទ្រជាច្រើនតែងតែទន្ទឹងរង់ចាំមើលព័ត៌មានអាប់ដេតពី Jin ក៏ដូចជាតាមដានរូបភាពផ្សេងៗដែលសមាជិក​ BTS រូបនេះកំពុងធ្វើនៅឯបន្ទាយទាហាន។ មិនខកបំណងឡើយ ថ្មីៗនេះខាងមន្ត្រីយោធានៅមូលដ្ឋានហ្វឹកហ្វឺនបានផ្សព្វផ្សាយរូបថត Jin ប៉ុន្មានសន្លឹក ដែលបង្ហាញពីការស្លៀកពាក់ឯកសណ្ឋាន និងសកម្មភាពខ្លះៗជាមួយមិត្តរួមក្រុម។

បន្ទាប់ពី ARMYs បានឃើញរូបភាពអាប់ដេតទាំងនោះ ​ពួកគេពិតជាសម្ដែងក្ដីរីករាយជាខ្លាំង បើទោះបីជាពេលនេះ Jin ពុំមានសកម្មភាពលើបណ្ដាញសង្គម ឬលេចមុខលើឆាកដូចមុន ប៉ុន្តែស្ថិតនៅក្នុងឈុតយោធា តារាវ័យ ២៩ឆ្នាំរូបនេះ នៅតែស្រស់សង្ហា និងមើលទៅមានសុខភាពល្អ៕

ប្រែសម្រួល៖ សន្យា

ចុចអាន៖ ផលិតកម្ម YG ឆ្លើយតបពាក្យចចាមអារ៉ាមថា BLACKPINK នឹងចាកចេញពីទ្រនំខ្លួន ក្រោយចប់កុងត្រា