ជីវិតកម្សាន្ដ

ធ្លាយពាក្យចចាមអារ៉ាមថា Aum បែកគ្នាជាមួយសង្សារហៃសូ

បានផុស

៣ years មុន

នៅ

ថ្ងៃអង្គារ ៣ មករា ២០២៣

ដោយ

ជាដំណឹងដ៏ក្ដៅគគុកក្នុងឧស្សាហកម្មកម្សាន្តថៃ បន្ទាប់ពីមានពាក្យចចាមអារ៉ាមថា តារាសម្ដែងស្រី Aum Patchrapa និងសង្សារហៃសូ Pok Phornprapha បានបែកបាក់គ្នាហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លាមៗនោះដែរ អ្នកសារព័ត៌មានជាច្រើនចាប់ផ្ដើមវាយលុកលើបញ្ហានេះយ៉ាងខ្លាំងក្លា ខណៈមហាជនបានកត់សម្គាល់ពីភាពមិនប្រក្រតីតាំងពីរដូវបុណ្យណូអែល និងថ្ងៃឆ្លងឆ្នាំថ្មី ផ្ទុយទៅវិញមិនឃើញមានរូបភាពភាគីខាងប្រុសចូលរួម ដើម្បីអបអរជាមួយ Aum ដូចរាល់ដងទេ។

អ្វីដែលធ្វើឲ្យមហាជនមានចំងល់ខ្លាំងនោះគឺក្រោយអ្នកចាត់ការរបស់ Aum បានបង្ហោះឃ្លិបក្នុងពិធីជប់លាង ជាមួយក្រុមមិត្តភក្តិជិតស្និទ្ធ ហើយ A Supachai បាននិយាយចំអកដល់តារាស្រី Aum ដែលទើបតែចូលច្រៀងបទ “Wad” ដែលជាបទកំសត់ពេលកំពុងជប់លៀងជាមួយគ្នា។ ជាងនេះទៅទៀត បន្ទាប់ពីអ្នកគាំទ្រសម្រុកទៅមើល IG របស់គូស្នេហ៍នេះ កាន់តែបង្កការសង្ស័យខ្លាំងនោះគឺ Aum មិនបាន Follo គ្នាដូចពីមុនទៀតនោះទេ។

សូមបញ្ជាក់ដែរថា គូស្នេហ៍មួយគូនេះបានថតរូបភាពផ្អែមល្ហែមជាមួយគ្នាចុងក្រោយ ពេលធ្វើពិធីខួបកំណើតរបស់Aumកាលពីដើមខែធ្នូឆ្នាំមុន។ ទោះយ៉ាងណាក៏ដោយ ព្រឹត្តិការណ៍នេះគេនៅមិនទាន់ដឹងថា នេះជាពាក្យចចាមអារ៉ាមពិតឬយ៉ាងណានោះទេ អ្នកគាំទ្រមានតែត្រូវរង់ចាំអ្នកទាំងពីរចេញមុខបកស្រាយដោយខ្លួនឯងប៉ុណ្ណោះ៕