ជីវិតកម្សាន្ដ

មិនមែនជាការអួតសម្ញែង! ប៉ាច គីមមួយ និង សយ រតនៈ បង្ហាញរថយន្តថ្មីសន្លាង ជាកាដូរដើមឆ្នាំថ្មី

បានផុស

៣ years មុន

នៅ

ថ្ងៃពុធ ៤ មករា ២០២៣

ដោយ

តារាចម្រៀងស្រីស្រស់ស្អាត ប៉ាច គីមមួយ និងតារាចម្រៀងប្រុសរូបសង្ហា សយ រតនៈ ក្រោយចាប់ដៃគ្នារកស៊ីកាក់កប បានទិញរថយន្តទំនើបថ្មីសន្លាងមួយគ្រឿង ជាកាដូរដើមឆ្នាំថ្មី ២០២៣ និងបញ្ជាក់ថា ការបង្ហាញនេះមិនមែនជាការអួតសម្ញែងអីទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេនៅចាំបានថា គូស្នេហ៍អ្នកសិល្បៈវ័យក្មេង គឺ តារាចម្រៀងស្រី ប៉ាច គីមមួយ និង តារាចម្រៀងប្រុស សយ រតនៈ បានធ្វើពិធីឡើងគេហដ្ឋានថ្មី និងពិធីភ្ជាប់ពាក្យ ក្នុងថ្ងៃតែមួយ កាលពីថ្ងៃទី ០១ ខែកក្កដា ឆ្នាំ ២០២២ កន្លងទៅ។

ពិធីឡើងគេហដ្ឋានថ្មី និងពិធីភ្ជាប់ពាក្យរបស់គូស្នេហ៍វ័យក្មេងមួយគូនេះ មើលទៅពិតជាមានភាពអធិកអធមខ្លាំងណាស់។ ចំពោះការរៀបចំតុបតែង គឺមានភាពស្រស់ស្អាត រីឯសាមីខ្លួន ស្លៀកឈុតប្រពៃណីខ្មែរ ពិតជាសមសួន និងសមគ្នាខ្លាំងណាស់។

តាំងពីមានឈ្មោះជាគូដណ្ដឹងរួចមក គូស្នេហ៍អ្នកសិល្បៈវ័យក្មេងមួយគូនេះ ប្រឹងប្រែងរកស៊ីខ្លាំងណាស់។ ជាលទ្ធផល ការប្រឹងប្រែងរកស៊ីរបស់តារាស្រី-ប្រុសមួយគូនេះ កាន់តែកាក់កប ទទួលបានចំណូលខ្ពស់។

ជាក់ស្ដែងនៅដើមឆ្នាំ ២០២៣ នេះ បើយោងតាមទំព័រហ្វេសប៊ុក ប៉ាច គីមមួយ បានបង្ហោះភ្ជាប់ជាមួយរូបថតឈរនៅមុខរថយន្តថ្មីសន្លាង ពោលថា « កាដូរដើមឆ្នាំ ២០២៣ អរគុណបង អរគុណខ្លួនឯង មួយរយៈនេះមិនសូវបានសម្រាកទេ ច្រៀងផង រកស៊ីផង ខំទាំងឈឺទាំងជា ពីព្រោះយើងចង់សម្រេចក្ដីស្រមៃរួមគ្នា សង្ឃឹមថាក្ដីស្រមៃបន្ទាប់ នឹងមកដល់ពេលឆាប់ៗ Soy Ratanak»។

ក្រោយមកថ្មីៗនេះ តារាចម្រៀងស្រីវ័យក្មេង សាច់សខ្ចី ប៉ាច គីមមួយ បានបង្ហោះសារទៀតថា «វាជាលទ្ធផលការខំប្រឹងប្រែងកន្លងមកជាមួយគ្នា វាជាកាដូរលើកទឹកចិត្ត ហើយជាកម្លាំងចិត្តឲ្យយើងទាំងពីរខំបន្ត និងសម្រេចក្ដីស្រមៃរួមគ្នាទៅមុខទៀត ហើយការបង្ហាញនេះ មិនមែនជាការអួតសម្ញែងអីទេ តែខ្ញុំគិតថា ជាគំរូល្អមួយសម្រាប់បងប្អូនដែលមានជីវិតគូ ខំប្រឹងប្រែងរួមគ្នា នឹងសម្រេចគោលដៅជាមិនខាន ដោយក្ដីស្រលាញ់»៕

អត្ថបទ ៖ ពិសី