ជីវិតកម្សាន្ដ

តារាស្រី ៥ រូប ត្បិតថាអាយុសែក្រាស់ តែសម្រស់នៅតែគ្រងតំណែងតួឯកមកដល់ពេលនេះ

បានផុស

៤ years មុន

នៅ

ថ្ងៃអង្គារ ១០ មករា ២០២៣

ដោយ

ជាទូទៅមនុស្សក្នុងសម័យបច្ចុប្បន្ន និយមថែរក្សាសម្រស់ឲ្យនៅតែស្រស់ស្អាតទៅតាមវិធីផ្សេងៗគ្នា ខណៈអ្នកខ្លះមិនត្រឹមមានលុយចំណាយលើមុខមាត់ឲ្យក្មេងមួយមុខនោះទេ តែក៏ត្រូវមានវិន័យតឹងរឹងចំពោះខ្លួនឯង ទើបមានសម្រស់ក្មេងជាងអាយុមកបាន។

ជាងនេះទៅទៀត បើនិយាយពីអាយុមនុស្សជាច្រើនកាន់តែព្រួយបារម្ភចំពោះសុខភាព ស្បែក និងមុខមិនភ្លឺដូចមុន ហើយជាពិសេសក្នុងនាមជាអ្នកធ្វើការក្នុងវិស័យសិល្បៈ អ្នកត្រូវមើលថែខ្លួនឯងឲ្យបានច្រើនជាងមនុស្សធម្មតាទៀត។ ជាក់ស្ដែង តារាសម្ដែងស្រី ៥ ដួង ថ្វីត្បិតតែអាយុចូលដល់ខ្ទង់លេខ៤ក៏ដោយ តែពួកគេនៅតែជាតារាដែលរះចែងចាំង មកទល់ពេលនេះ។

១ Aum Patcharapha

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតតែបច្ចុប្បន្ន Aum មានអាយុ ៤៤ ឆ្នាំទៅហើយ ប៉ុន្តែបើនិយាយពីសម្រស់និងភាពល្អឥតខ្ចោះ នាងតែងតែត្រូវបានទស្សនិកជនលើកឡើងថាជាតារាស្រីមួយរូប ដែលត្រូវបានគេដឹងថាមានទម្លាប់ថែរក្សាខ្លួនបានយ៉ាងល្អ រហូតដល់ស្ទើរតែរកស្នាមជ្រួញលើផ្ទៃមុខមិនឃើញ។ Aum តែងតែហាត់ប្រាណដោយការជួលគ្រូមកបង្ហាត់ដល់ផ្ទះនិងមានរបបអាហារយ៉ាងតឹងរ៉ឹងបំផុត ទម្រាំនាងមានរាងស្អាតនិងមុខក្មេងជាងវ័យ។

២ Anne Thongprasom

សម្រាប់តារាជើងចាស់រូបនេះវិញ ទាំងជំនាញសម្ដែង ទម្លាប់ និងការសម្ដែង បានធ្វើឲ្យ Anne Thongprasom ទទួលបានរហស្សនាមថា “ព្រះនាងនៃវិស័យកម្សាន្តថៃ” ក្នុងឆ្នាំនេះ Anne មានអាយុ៤៦ឆ្នាំហើយ ប៉ុន្តែរឿងភាគ និងរឿងដែលបានសម្ដែងនៅតែដើរតួជាតួឯក ដែលនេះអាចបញ្ចាក់បានថា ពេលវេលាពិតជាមិនអាចធ្វើអ្វីលើសម្រស់នាងបានឡើយ។ មិនថាមានលុយច្រើបប៉ុណ្ណា ប្រសិនបើយើងគ្មានទម្លាប់ការថែរក្សាខ្លួន និងមានវិន័យលើការហាត់ប្រាណទេភាពស្រស់ស្អាតមិនបានស្ថិតលើខ្លួនយើងឡើយ។

៣ Aff Taksaorn Paksukcharoen

ទោះបីធ្លាប់រៀបការមានកូនមួយក្ដី តែបើនិយាយពីសម្រស់ Aff Taksaorn ស្ថិតក្នុងវ័យ៤២ឆ្នាំវិញ ហាក់មិនប្រែប្រួលទៅណាសោះ ខណៈតារារូបនេះនៅតែគ្រងដំណែងជាតួឯក ជាមួយតួប្រុសស្រករក្រោយបានដដែល។ ជាងនេះទៅទៀតបច្ចុប្បន្ននេះ Aff នៅតែរក្សាបាននៅសម្រស់ថេមិនប្រែប្រួល ខណៈអ្នកដែលមានអាយុស្របាល់នាងតែងតែលួចសរសើរពីសម្រស់អ្នកម្ដាយកូនមួយនេះជានិច្ច។

៤ Nune Woranuch

តារាស្រីមុខស្រទន់ Nune Woranuch ដែលមហាជនជាច្រើនតែងគោរពស្រលាញ់ និងគាំទ្រនាងមកទល់បច្ចុប្បន្នហើយក៏ស្គាល់នាងច្បាស់តាមរយៈរឿង “ជីវិតនាងឡាំយ៉ង”ដែរ។ ទោះបីជា Nune មានវ័យ៤២ឆ្នាំក្ដី បើក្រឡេកមើលទៅក្រោយប្រៀបធៀបពេលទើបនឹងចូលប្រឡូកក្នុងវិស័យសិល្បៈកាលពីជាង២០ឆ្នាំមុន អាចនិយាយបានថា ស្ទើរតែគ្មានអ្វីកែប្រែសម្រស់របស់នាងសូម្បីតែបន្តិចណាឡើយ។ មកទល់ពេលនេះតារាជើងចាស់ Nune នៅតែគ្រងតំណែងជាតួឯកជាមួយក្មេងៗស្រករក្រោយសឹងតែគ្រប់រឿងភាគ។អ្វីដែលកាន់តែពិសេសនោះគឺមហាជននៅតែឆ្ងល់ថាហេតុអ្វីនាងមិនព្រមចាស់តាមវ័យរបស់នាង?

៥ Janie Tienphosuwan

សម្រាប់តារាសម្ដែងនិងបង្ហាញម៉ូដ Janie Tienphosuwan ពេលវេលាកាន់តែកន្លងផុតទៅ មុខនាងមើលទៅក្មេងជាងវ័យលើសមុនទៅទៀត ក្រៅពីហាត់ប្រាណ ក្រោកពីព្រលឹម និងចូលគេង អាថ៍កំបាំងមួយទៀត គឺដោយសារតែនាងមានប្តីក្មេងជាង ទើបធ្វើឲ្យនាងស្រស់ស្រាយនិងមានការតុបតែងខ្លួនល្អជាងមុន៕

ប្រែសម្រួល៖ សាង ស្រីល័ក្ខ

ចុចអាន៖ទម្លាយជំនួញវាល់លាន ១៣ កន្លែង ដែលអតីតសង្សារហៃសូរបស់ Aum កំពុងកាន់កាប់សព្វថ្ងៃ