ជីវិតកម្សាន្ដ

ណូយ វ៉ាន់ណេត យកដៃឱបទ្រូង ហើយសួរខ្លួនឯងថា ជីវិតអើយតើអ្នកហត់ទេ?

បានផុស

៣ years មុន

នៅ

ថ្ងៃពុធ ១១ មករា ២០២៣

ដោយ

តារាចម្រៀងលោកគ្រូ ណូយ វ៉ាន់ណេត ថ្វីត្បិតអាជីពសិល្បៈបច្ចុប្បន្នហាក់មានការស្ងប់ស្ងាត់បន្តិចក្ដី តែកេរ្តិ៍ឈ្មោះ និងភាពល្បីល្បាញរបស់លោកគ្រូ នៅតែដក់ជាប់បេះដូងអ្នកគាំទ្រជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតលោកគ្រូ ណូយ វ៉ាន់ណេត គឺជាវីរសិល្បករដ៏មានទេពកោសល្យខ្ពស់ ដែលជាគំរូល្អសម្រាប់អ្នកសិល្បៈជំនាន់ក្រោយៗទៀត។ ទន្ទឹមគ្នានេះ អ្វីដែលជាការចាប់អារម្មណ៍សម្រាប់មហាជនពេលនេះ លោកគ្រូ ណូយ វ៉ាន់ណេត ស្រាប់តែសុខៗ លោកបានបញ្ចេញសារប្លែកមួយ ដោយសួរខ្លួនឯងថា ជីវិតអើយ តើអ្នកហត់ទេ?។

តារាចម្រៀងសំនៀងពីរោះរណ្ដំចិត្តបំពេអារម្មណ៍អ្នកស្ដាប់គ្រប់វ័យមិនចេះជិនណាយ លោកគ្រូ ណូយ វ៉ាន់ណេត បានរៀបរាប់បែបកម្សត់ថា កុំត្អូញអី បន្តទៅមុខទៀត ថ្ងៃណាត្រឡប់ទៅវិញក៏ទៅចុះ អ្នកធ្វើល្អបន្តទៅមុខទៀតទៅ អាណិតជីវិតណាស់ អ្នកហត់ហើយ អរគុណដល់ប្អូនៗសិល្បករសិល្បការិនី។ ក្រោយឃើញការបង្ហោះបែបនេះ អ្នកគាំទ្រ បានបញ្ចេញមតិថា ហ្នឹងហើយជីវិតការងារដដែលៗ ដេកក៏ដដែល ដើរក៏ដដែល ញ៉ាំក៏ដដែល រកទទួលទានក៏ដដែល និងការងារផ្សេងៗទៀត ក៏នៅតែដដែល នេះហើយហៅថាការងារជីវិតត្រូវទទួលស្គាល់នៅការពិតចុះ។

តារាចម្រៀងជើងចាស់មានឈ្មោះល្បីល្បាញ ជាមួយនឹងទឹកដមសំឡេងពីរោះក្រអួនក្រអៅអង្រួនបេះដូងអ្នកស្ដាប់លោកគ្រូ ណូយ វ៉ាន់ណេត កន្លងមក បានធ្វើឲ្យមហាជនជាច្រើនចាប់អារម្មណ៍ចំពោះជីវិតរស់នៅឯកជនក្រៅរង្វង់សិល្បៈរបស់លោក និងក្រុមគ្រួសារ។

ជាមួយគ្នានេះ គេធ្លាប់នៅចាំបានថា កាលពីកន្លងទៅ លោកគ្រូ ណូយ វ៉ាន់ណេត ក៏បានធ្វើឲ្យអ្នកគាំ ទ្រមានការភ្ញាក់ផ្អើលផងដែរ ក្រោយពេលលោកបានបញ្ចេញរូបថតប៉ុន្មានសន្លឹកស្ថិតក្នុងសកម្មភាពធ្វើកម្មករសំណង់។ ប៉ុន្តែជាចម្លើយ ត្រូវបានលោកគ្រូបញ្ជាក់ថា នេះគ្រាន់តែការងារបន្តិចបន្តួចនៅផ្ទះប៉ុណ្ណោះ៕

អត្ថបទ ៖ ចាន់រ៉ា