ជីវិតកម្សាន្ដ

សុះ ម៉ាច ៖ បទ”ព្រះគុណអ្នកម្ដាយ” ដែលខ្ញុំច្រៀងតាំងពីឆ្នាំ ២០០០ ក្លាយជារឿងពិត

បានផុស

១ year មុន

នៅ

ថ្ងៃពុធ ១១ មករា ២០២៣

ដោយ

តារាចម្រៀងលោក សុះ ម៉ាច បានរម្លឹកស្នាដៃបទចម្រៀងរបស់លោកអំឡុងឆ្នាំ ២០០០ ដោយភ្ជាប់ជាមួយសារយ៉ាងកម្សត់ថា បទ “ព្រះគុណអ្នកម្ដាយ” ដែលខ្ញុំច្រៀងតាំងពីឆ្នាំ ២០០០ បានក្លាយជារឿងពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទម្លាយពីសំណាក់លោក សុះ ម៉ាច នាពេលនេះ បានធ្វើឡើងក្រោយពេលអ្នកម្ដាយជាទីស្រលាញ់របស់លោកទើបបានទទួលមរណភាពក្នុងអាយុ ៨៥ ឆ្នាំ កាលពីថ្មីៗកន្លងទៅ។

លោក សុះ ម៉ាច បានរៀបរាប់ជាមួយបទចម្រៀងដ៏កម្សត់នោះថា បទចម្រៀង(ព្រះគុណអ្នកម្ដាយ) ដែលខ្ញុំច្រៀងតាំងពីឆ្នាំ ២០០០ បានក្លាយជារឿងពិតរបស់ខ្លួនឯង។

លោក សុះ ម៉ាច និយាយបន្តទៀតថា សូមវិញ្ញាណក្ខន្ធអ្នកម្ដាយទៅកាន់ឋានសុគតិភពចុះ កុំបីអាល័យ កូនឡើយ។ កូនម្ដាយម្នាក់នេះ នឹងនៅតែជាកូនល្អរបស់ម៉ែជានិច្ច។ អរគុណដែលបានផ្ញើបទចម្រៀងជាមួយកម្រងរូបភាពនេះមកឲ្យខ្ញុំ។

គួររម្លឹកថា តារាជើងចាស់លោក សុះ ម៉ាច កាលពីថ្មីៗនេះបានរៀបរាប់ទាំងអារម្មណ៍សោកសៅថា អ្នកម្ដាយរបស់ខ្ញុំលាខ្ញុំរហូតហើយ។ ម្ដាយខ្ញុំ ទៅជួបលោកឪពុក និងជីដូនជីតាញាតិការបស់គាត់ហើយ ម្ដាយខ្ញុំផុតកម្មពៀរហើយ។

លោកបញ្ជាក់ថា ម្ដាយរបស់លោកទទួលមរណភាពនៅជ្រោយចង្វារ កាលពីយប់ថ្ងៃព្រហស្បតិ៍ ទី ២៩ ខែធ្នូ ឆ្នាំ ២០២២ ហើយជាថ្ងៃដែលលោកបែកម្ដាយគ្មានថ្ងៃជួប គ្មានឮវាចាលោកទៀតឡើយ៕

អត្ថបទ ៖ ចាន់រ៉ា