កីឡាការនីវាយតេន្នីស Naomi Osaka មានផ្ទៃពោះកូនដំបូងហើយ!

Naomi ដែលជាអ្នកលេងកីឡាវាយតេន្នីសជនជាតិជប៉ុនដ៏ល្បីមួយរូបបានចែករំលែករូបភាពអេកូទៅលើបណ្ដាញសង្គម Twitter និង Instagram ។ ឪពុករបស់កូននៅក្នុងពោះ Naomi ត្រូវគេស្គាល់ថាជា តារារ៉េបជនជាតិអាមេរិកាំងឈ្មោះ Cordae ។

នាងសរសេរថា “ប៉ុន្មានឆ្នាំចុងក្រោយនេះគួរឲ្យចាប់អារម្មណ៍ដែរ ប៉ុន្តែ​ខ្ញុំ​យល់​ឃើញ​ថា​វា​ជា​ពេល​វេលា​ដ៏​លំបាក​ក្នុង​ជីវិតដែលចាត់ទុកជារឿងសប្បាយបំផុត ការ​ផ្អាកលេងកីឡាមួយរយៈក្រោយមកនាំឱ្យខ្ញុំមានក្តីស្រឡាញ់ថ្មី និងឲ្យតម្លៃសម្រាប់ហ្គេមតេន្នីសដែលខ្ញុំចំណាយពេលសឹងតែមួយជីវិតរបស់ខ្ញុំដើម្បីលេង” ។ នាងបន្តទៀតថា “ខ្ញុំដឹងថា ខ្ញុំមានរឿងជាច្រើនត្រូវទន្ទឹងរង់ចាំនៅពេលអនាគត តែរឿងមួយដែលខ្ញុំទន្ទឹងរង់ចាំរហូតមកគឺពេលកូនរបស់ខ្ញុំមើលការប្រកួតវាយតេន្នីស ហើយប្រាប់គេថានោះម៉ាក់ខ្ញុំ” ។

ជាចុងក្រោយ Naomi បានឲ្យដឹងថា ទោះបីជានាងដកខ្លួនចេញពីកម្មវិធី Australian Open ក៏ពិតមែន ប៉ុន្តែនាងមានបំណងត្រឡប់ទៅប្រកួតវិញក្នុងឆ្នាំ ២០២៤ ម្ដងទៀត ៕

ប្រែសម្រួលដោយ ៖ វារី

ចុចអាន ៖ សេដ្ឋីនី Rihanna សម្រាលកូនប្រុសដំបូងហើយ!