តារាសម្ដែងកំពុងល្បីថា ជាស្រីចិញ្ចឹមលួចលាក់របស់ស្វាមី Chompoo ជានរណា?

កំពុងក្លាយជាចំណីអារម្មណ៍លើទំព័រព័ត៌មានកម្សាន្តមិនធ្លាប់មាន សម្រាប់តារាសម្តែង​ថ្មីថ្មោង​ប្រចាំ​ប៉ុស្តិ៍​ One31​ នាង Tan Thanatcha ដែលកំពុងតែមានរឿងអាស្រូវស្នេហាជាមួយស្វាមី​ Chompoo។ លើសពីនេះ មុខមាត់​នាងក៏មានភាព​ស្រដៀង​នឹង​តារាស្រីល្បីឈ្មោះ Kimberly រហូតទទួល​បាន​រហស្សនាម​ថា “Kimberly Twins” ធ្វើឲ្យមហាជនជាច្រើនចង់ដឹងថា Tan Thanatcha ជាអ្នកណា។

Tan Thanatcha Channgam កើតថ្ងៃទី ១០ ខែ តុលា ឆ្នាំ ១៩៩៨ នាងមានស្រុកកំណើតនៅខេត្ត Angthong នាងមានប្អូនស្រីម្នាក់ ហើយក៏បានបញ្ចប់ការសិក្សាថ្នាក់វិទ្យាល័យពីសាលា Angthong Women’s School និងបរិញ្ញាបត្រពីនាយកដ្ឋានវិទ្យាសាស្ត្រចំណីអាហារ និង​អាហារូបត្ថម្ភ សាកលវិទ្យាល័យ Assumption នាងក៏​បានចូលរួមកម្មវិធីធ្វើម្ហូប​នៅ​សាលា​ធ្វើម្ហូប​លំដាប់​ពិភពលោក Le Cordon Bleu ផងដែរ។

Tan Thanatcha ធ្លាប់​ឆ្លង​កាត់​ការ​ប្រកួត​ជា​ច្រើនដូចគ្នា។ ដំបូង​ឡើយ នាង​មាន​អ្នក​ស្គាល់​គ្នាក្នុងក្រុម​បាល់បោះ​នៅ​ក្នុង​ការ​ប្រកួត​កីឡា​ខេត្ត​ Ang Thong។ ក្រោយមកមានការប្រលង “Miss Chainat Bird Park” និងទទួលបានជយលាភីដោយជោគជ័យក្នុងវ័យត្រឹមតែ១៧ ឆ្នាំ នាងក៏ជា​បេក្ខភាព​ចុងក្រោយ​ចំនួន ១០ នាក់ក្នុងកម្មវិធី Thai Super Model Contest 2015 ដោយ​ជាប់ចំណាត់ថ្នាក់​លេខ ១ Miss Motor Show 2016 និងទទួលបានជ័យលាភីក្នុងកម្មវិធី Jaymart Miss Mobile 2016។

ក្រោយមក Thanatcha មាន​ការងារ​ដំបូង​ក្នុង​វិស័យ​សិល្បៈ​ជា​តួឯកស្រី​ក្នុង​វីដេអូ​ចម្រៀង​”Just realized”​ របស់តារាចម្រៀង Matang ដែលមានអ្នកចូលមើលជាង ១៧លានដង ហើយពេលនោះ នាងបានចុះកុងត្រាជាតារាសម្ដែងមួយរូប ក្រោមការដឹកនាំរបស់ Channel one31។​ នាងជា​ស្រី​ស្អាត​រាង​កាយ​មាំ​មួន ព្រោះ​ស្រលាញ់​កីឡា និង​ហាត់​ប្រាណ។ នេះបានផ្តល់ឱកាសឲ្យនាងបានធ្វើការជាមួយក្លិប FC Bayern Munich ក្នុងនាមជាទូតសុឆន្ទៈរបស់ក្លិបអាល្លឺម៉ង់មួយនេះប្រចាំនៅប្រទេសថៃ និងគម្រោងពានរង្វាន់ FC Bayern Youth Cup ចាប់ពីនោះមក។

ទោះយ៉ាងណា ​កាលពេលថ្មីៗនេះ Tan Thanatcha កំពុង​ត្រូវ​បាន​អ្នក​លេង​អ៊ីនធឺណិត​ភ្ជាប់​រូប​នាង​ជាមួយ​ស្វាមី Chompoo ថាជាស្រី​លួចលាក់​ដែល​គេ​ចិញ្ចឹម​ទុក ដោយ​ទំនុកបម្រុង​និង​មាន​មនុស្ស​តាម​ការពារ​មើល​ថែ​ទៀតផង។​ ប៉ុន្តែមក​ទល់​ពេល​នេះ​មិន​ទាន់​មាន​ភាគី​ណា​ចេញ​មក​ទម្លាយ​ការ​ពិត​ ​ឲ្យ​មហាជន​ក្នុងប្រទេសបានដឹងនូវឡើយទេ ​ខណៈ​មានតែ​ប្រភព​ជិតស្និទ្ធ​ប៉ុណ្ណោះ​ ដែល​ចេញ​មក​ការពារ​រឿង​អាស្រូវ​មួយ​នេះ៕

ប្រែសម្រួល៖ សាង ស្រីល័ក្ខ

ចុចអាន៖Chompoo បង្ហោះរូបភាពមួយសន្លឹកនៅបារាំង ចំពេលស្វាមីផ្ទុះចចាមអារ៉ាមចិញ្ចឹមស្រីក្មេង

ចុចអាន៖គ្រូទាយល្បីនៅថៃ ទាយថា ឆ្នាំនេះតារាជួរមុខក្នុងប្រទេស នឹងបែកបាក់ចំណងស្នេហ៍