ជីវិតកម្សាន្ដ

Chompoo បង្ហោះរូបភាពមួយសន្លឹកនៅបារាំង ចំពេលស្វាមីផ្ទុះចចាមអារ៉ាមចិញ្ចឹមស្រីក្មេង

បានផុស

៣ years មុន

នៅ

ថ្ងៃអង្គារ ៣១ មករា ២០២៣

ដោយ

តារាសម្ដែងជួរមុខ Chompoo Araya ទើបតែបង្ហោះរូបភាពចុងក្រោយលើបណ្ដាញសង្គម Instagram ពីកូនៗទាំង៣របស់នាង ក្រោយត្រូវឃ្លាតពីម្តាយអស់រយៈពេលច្រើនថ្ងៃដើម្បីចូលរួមកម្មវិធី Fashion show នៅទីក្រុងប៉ារីស ប្រទេសបារាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក្ដី ស្របពេលដែលស្វាមីរបស់នាង Knot Wisarut កំពុងផ្ទុះនៅពាក្យចចាមអារ៉ាមដ៏ក្ដៅគគុកក្នុងប្រទេសថៃ។ ភ្លាមៗនោះដែរបន្ទាប់ពីនាងបង្ហោះមិនបានប៉ុន្មានផង ស្រាប់តែអ្នកនិយមលេងអ៊ីនធឺណិតជាច្រើនសម្រុកលើកទឹកចិត្តអ្នកម្ដាយកូន៣រូបនេះថា ចំពោះព័ត៌មានដែលលេចឮគ្រាន់តែជាពាក្យចចាមអារ៉ាមមិនពិត ហើយមហាជនចង់ឲ្យគូស្នេហ៍មួយនេះដោះស្រាយឬចាត់វិធានការជាមួយនឹងការផ្សព្វផ្សាយព័ត៌មានមិនពិត ដែលភ្ជាប់ទំនាក់ទំនងថាស្វាមីរបស់តារាស្រីល្បីឈ្មោះលួចលាក់មានផ្ទះតូចមួយដើម្បីលាក់ទុកស្រីស្នេហ៍។ ហើយពាក្យចចាមអារ៉ាមនេះគឺសំដៅមកកាន់គូស្នេហ៍ Knot Wisarut និង Chompoo Araya តែម្ដង!។

យ៉ាងណាមិញតារាសម្ដែង Chompoo Araya មិនបានឆ្លើយតបនឹងការបញ្ចេញមតិនេះមកកាន់គណនីខ្លួនសូម្បីតែបន្តិចណាឡើយ។ ដូចឃើញជាក់ស្ដែង នាងបែរជាបង្ហោះរូបកូនៗយ៉ាងសប្បាយរីករាយ ខណៈវេលាស្អែកនេះនាងនឹងវិលមកកាន់ប្រទេស ជួបក្រុមគ្រួសារវិញ ក្រោយបំពេញភារកិច្ចនៅប្រទេសបារាំងរួចរាល់។

សូមជម្រាបដែរថា ស្វាមីរបស់តារាសម្ដែង Chompoo Araya ត្រូវបានមហាជនទូទាំងប្រទេសកំពុងដាក់ការសង្ស័យថា លោកបានលួចលាក់ទិញផ្ទះឲ្យស្រីស្នេហ៍ និងថែមទាំងជានិស្សិតស្រស់ស្អាត។ លើសពីនេះសេដ្ឋីថៃរូបនេះ បានជួលអង្គរក្សឲ្យការពារ និងតាមមើលថែនាងយ៉ាងល្អទៀតផង៕

ប្រែសម្រួល៖ សាង ស្រីល័ក្ខ

ចុចអាន៖ក្រោយផ្ទុះចចាមអារ៉ាមជាស្រីស្នេហ៍ អ្នកជិតស្និទ្ធតារាស្រី Tan ចេញមកទម្លាយការពិត

ចុចអាន៖បណ្ដាញសង្គមទម្លាយរូបថតស្វាមី Chompoo និង តារាស្រីកំពុងផ្ទុះចចាមអារ៉ាមជាស្រីស្នេហ៍