ជីវិតកម្សាន្ដ

តារាចិនល្បីអាក្រក់ខាងរំលោភច្រើនករណី លោក Kris Wu ប្រឈមនឹងរឿងក្ដីក្ដាំបន្ថែមទៀត

បានផុស

១ year មុន

នៅ

ថ្ងៃចន្ទ ២៨ មេសា ២០២៥

ដោយ

កាលពីថ្ងៃទី ២៧ខែមេសា ប្រព័ន្ធផ្សព្វផ្សាយរបស់ចិនបានចុះផ្សាយព័ត៌មានថា អតីតសមាជិកក្រុមចម្រៀងកូរ៉េ EXO លោក Kris Wu កំពុងប្រឈមមុខនឹងការចោទប្រកាន់ដ៏ធ្ងន់ធ្ងរថ្មីមួយ ខណៈខ្លួនកំពុងជាប់ឃុំនៅក្នុងគុកនៅឡើយក្នុងសំណុំរឿងដែលតុលាការសម្រេចផ្តន្ទាទោស១៣ឆ្នាំ។ ប្រឈមរឿងរ៉ាវនេះ ការបន្ថែមការចោទប្រកាន់ទោសថ្មីនេះអាចធ្វើឲ្យជីវិតកំពូលតារាប៉ុបចិនរូបនេះ ជាប់ពន្ធនាគារកាន់តែយូរជាងមុនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេធាវីមកពីទីក្រុង Tianjin ប្រទេសចិន បានបញ្ចាក់ថា តារាសម្ដែងវ័យ៣៤ឆ្នាំ ក៏រងនូវការចោទប្រកាន់ពីបទគេចពន្ធ ពាក់ព័ន្ធនឹងទឹកប្រាក់ដ៏គួរឲ្យភ្ញាក់ផ្អើលចំនួន ៣០០លានយន់ (ប្រហែល ៤២លានដុល្លារអាមេរិក)។ អ្វីដែលធ្វើឲ្យមហាជនកាន់តែភ្ញាក់ផ្អើលបំផុតនោះគឺថា ម្តាយរបស់លោកក៏មានជាប់ពាក់ព័ន្ធ និងអាចប្រឈមមុខនឹងការជាប់ពន្ធនាគារជាមួយកូនប្រុសផងដែរ។

មេធាវីបានបង្ហើបថា តួប្រុសក្នុងរឿង «journey to the west the demons strike back» ត្រូវបានផ្ទេរទៅមជ្ឈមណ្ឌលឃុំឃាំង Chaoyang ក្នុងទីក្រុងប៉េកាំង ដោយរង់ចាំការកាត់ទោសចំពោះការចោទប្រកាន់ថ្មី។ ប្រសិនបើត្រូវបានកាត់ទោស ទោសបច្ចុប្បន្នរបស់គាត់រយៈពេល ១៣ឆ្នាំ អាចនឹងត្រូវបន្តទៀត។ នេះគឺដោយសារតែនៅក្រោមមាត្រា ៦០ នៃច្បាប់ព្រហ្មទណ្ឌរបស់ប្រទេសចិន ការកាត់ទោសសម្រាប់ការផ្តន្ទាទោសជាច្រើនត្រូវបានបូកបញ្ចូលគ្នា មុនពេលដកពេលវេលាដែលបានកន្លងផុតទៅរួចហើយ។

ទន្ទឹមនឹងនេះដែរ យោងតាមសារព័ត៌មានមួយផ្សេងទៀតក៏បញ្ចាក់ដែរថា លោក Kris Wu បានអនុវត្តយ៉ាងល្អពេលស្ថិតក្នុងមន្ទីរឃុំឃាំង ជាពិសេសលោកទទួលការព្យាបាលប្រសើរជាងបន្តិច បើប្រៀបធៀបជាមួយអ្នកទោសធម្មតា។ ប្រភពដដែលអះអាងថា តារាប្រុសមិនចាំបាច់ផ្លាស់ប្តូរវេនសម្អាតទេ ខណៈដែលអាហាររបស់គាត់មាននំចំហុយ ស្ពៃក្តោប និងស៊ុតចៀនជាមួយប៉េងប៉ោះ។ គេបាននិយាយទៀតថា គាត់បានឡើងទម្ងន់ ៩គីឡូក្រាមក្នុងអំឡុងជាប់ឃុំនៅក្នុងពន្ធនាគារ។

ទស្សនិកជនជាច្រើននៅចងចាំមិនភ្លេចនោះទេ អំពីរឿងរ៉ាវផ្ទុះអង្រួនឧស្សាហកម្មកម្សាន្តទាំងមូល ក្នុងកំឡុងខែកក្កដា ឆ្នាំ ២០២១ នៅពេលដែលអតីតមិត្តស្រីនាង Du Meizhu បានចោទប្រកាន់ Kris Wu ពីបទស្រវឹង និងប្រើប្រាស់គ្រឿងញៀន មុនពេលចាប់រំលោភនាង។ នាងក៏បានលាតត្រដាងអំពីលោកថា បានល្បួងក្មេងស្រីមិនគ្រប់អាយុជាច្រើននាក់ ក្រោមការផ្តល់ឱកាសឲ្យពួកគេប្រឡូកក្នុងវិស័យកម្សាន្ត។

ក្រោយមកអាជ្ញាធរបានបញ្ជាក់ពីអំពើឧក្រិដ្ឋកម្មរបស់ Kris Wu ដោយបញ្ជាក់ថា នៅចន្លោះខែវិច្ឆិកា និងខែធ្នូ ឆ្នាំ ២០២០ គាត់បានចាប់ស្ត្រីស្រវឹង ៣នាក់ នៅឯគេហដ្ឋានរបស់គាត់ ហើយនៅខែកក្កដា ឆ្នាំ២០១៨ គាត់បានរៀបចំ ពិធីជប់លៀងផ្លូវភេទជាក្រុម ដែលមានការចូលរួមពីមិត្តភក្តិ និងស្ត្រីពីរនាក់ផ្សេងទៀត។

យ៉ាងណាមិញ នៅក្នុងការកាត់ក្តីចុងក្រោយ Kris Wu ត្រូវបានកាត់ទោសឲ្យជាប់គុក ១៣ឆ្នាំពីបទរំលោភសេពសន្ថវៈ និងប្រព្រឹត្តិខុសក្នុងផ្លូវភេទជាក្រុម។ បន្ទាប់ពីជាប់ទោស គាត់នឹងត្រូវនិរទេសចេញពីប្រទេសចិនជាអចិន្ត្រៃយ៍។ ទោះបីគាត់ប្តឹងឧទ្ធរណ៍ក៏ដោយ តុលាការបានច្រានចោលយ៉ាងម៉ឺងម៉ាត់ ដោយបញ្ជាក់ថា ឧក្រិដ្ឋកម្មរបស់អតីតតារារូបនេះធ្ងន់ធ្ងរពេក។ លើសពីនេះ សមាជិកក្រុមចម្រៀងកូរ៉េ EXO ត្រូវបានពិន័យជាប្រាក់ចំនួន ៨៣.៧ លានវ៉ុន (ជាង ១១ លានដុល្លារអាមេរិក) សម្រាប់ការគេចពន្ធ និងលាក់ប្រាក់ចំណូលផ្ទាល់ខ្លួន៕