ភ្លេចៗខ្លួន កូនស្រីសេដ្ឋីនីវ័យក្មេង Kylie Jenner មានអាយុ ៥ ឆ្នាំហើយ

ថ្ងៃទី១ ខែកុម្ភៈនេះជាខួបកំណើត ៥ ឆ្នាំរបស់ Stormi Webster កូនស្រីច្បង Kylie Jenner ជាមួយនឹង Travis Scott ចំណែកឯខួបកំណើតកូនប្រុសពៅវិញ ខុសគ្នាតែមួយថ្ងៃប៉ុណ្ណោះពីបងស្រីរបស់គេគឺថ្ងៃទី២ ខែកុម្ភៈ ។

ដំណើរការពរពោះកូនស្រីច្បងត្រូវ Kylie លាក់បាំងរហូតដល់សម្រាល ខុសពីកូនប្រុសពៅដែលនាងលាក់ត្រឹមតែឈ្មោះនិងមុខប៉ុណ្ណោះ ប៉ុន្តែគ្រប់យ៉ាងទើបតែបង្ហាញជាសាធារណៈមិនទាន់កន្លងហួសមួយខែផង ។

កុមារី Stormi Webster មានមុខមាត់គួរឲ្យស្រលាញ់កាត់ទៅរកម្ដាយ និងពណ៌សម្បុរកាត់ទៅរក Travis ជាឪពុក ជាពិសេសគាត់មានបបូរមាត់ក្រាស់ដែលមហាជននាំគ្នាសរសើរថាស្អាតជាងម៉ាក់ត្រង់ចំណុចនេះតែម្ដងព្រោះ Kylie មានបបូរមាត់ស្ដើងពីធម្មជាតិខុសពីស្តង់ដារស្រីស្អាតនៅហូលីវូដ ។

ទោះបី Stormi មានម្ដាយជាសេដ្ឋីនីក្ដី ក៏នាងមានអាកប្បកិរិយាគួរឲ្យស្រលាញ់ដែរដោយសារតែ Kylie ជាម្ដាយតែងតែយកចិត្តទុកដាក់ប្រៀនប្រដៅកូនមិនឲ្យខូច ធ្វើជាមនុស្សល្អ និងនិយាយសម្ដីទន់ភ្លន់មិនឆ្មើងឆ្មៃតាមទឹកប្រាក់នោះទេ ៕  

ប្រែសម្រួល ៖ វារី

ចុចអាន ៖ ទីបំផុត Kylie Jenner ប្រកាសឈ្មោះកូនប្រុសទីពីរជាសាធារណៈហើយ

ចុចអាន ៖ អ្នកគាំទ្រ Kylie Jenner អស់សំណើច ពេលស្គាល់ឈ្មោះកូនប្រុសទីពីររបស់នាង