កាលពីថ្ងៃទី០១ ខែកុម្ភៈ ឆ្នាំ២០២៣ ជាខួបកំណើតរបស់ Stormi Webster ដែលកូនស្រីច្បងរបស់ Kylie Jenner និង Travis Scott ខណៈអ្នកម្ដាយរូបនេះ បានបង្ហោះរូបកូនស្រីដោយភ្ជាប់ជាមួយសារនៅក្នុង គណី Instagram ផ្ទាល់ខ្លួនយ៉ាងវែងអន្លាយថែមទៀតផង។

តាមរយៈសារនេះដែរ Kylie Jenner បានសរសេរជូនពរកូនថា “ម៉ាក់ផ្ដល់កាដូនៃជីវិតឲ្យកូន ជីវិតកូនគឺជាកាដូសម្រាប់ម៉ាក់ កូនជាក្មេងស្រីដ៏ពិសេសបំផុត ហើយម៉ាក់នឹងនឹកមុខដ៏តូចរបស់កូនព្រោះកូនធំទៅៗជារៀងរាល់ថ្ងៃ ចំណែកការស្រលាញ់ដែលមានរយៈពេល ៥ ឆ្នាំនេះនឹងបន្តរហូត ម៉ាក់នៅក្បែរកូន” ។​ បន្ទាប់ពី Kylie Jenner បង្ហោះមិនបានប៉ុន្មានផងអ្នកគាំទ្រក្រុមគ្រួសារនេះ បានសម្រុកចូលមកចុចបេះដូងជិត ៩ លាននាក់ សូម្បីតែអ្នកស្រី Paris Hilton កំពូលតារាហូលីវូដក៏ខំមិនរូបបេះដូងឲ្យ Stormi ជាពិសេសទៀត។

បើតាមរូបដែល Kylie បង្ហោះ យើងឃើញថា Stormi កំពុងសប្បាយរីករាយជាមួយបងប្អូនជីដូនមួយរបស់គេគឺ Chicago West, True Thompson និង Dream Renee Kardashian នៅលើរទេះរុញពីរគ្រឿង ទំនងជារង់ចាំគ្រួសាររៀបចំធ្វើពិធីជប់លៀងសម្រាប់ក្មេងៗលេងកម្សាន្ត៕

ប្រែសម្រួល ៖ វារី

ចុចអាន ៖ ភ្លេចៗខ្លួន កូនស្រីសេដ្ឋីនីវ័យក្មេង Kylie Jenner មានអាយុ ៥ ឆ្នាំហើយ