ជីវិតកម្សាន្ដ

អតីតបវរកញ្ញាទេសចរណ៍អន្តរជាតិលំដាប់រងទី ២ អ៊ិន សុខលីដា ទម្លាយរឿងពិតជីវិតក្រោយឆាក

បានផុស

៣ years មុន

នៅ

ថ្ងៃព្រហស្បតិ៍ ២ កុម្ភៈ ២០២៣

ដោយ

អ្នកនាង អ៊ិន សុខលីដា ដែលជាអតីតបវរកញ្ញាទេសចរណ៍អន្តរជាតិលំដាប់រងទី ២ នាអំឡុងឆ្នាំ ២០០២ ក្រោយបាត់មុខពីវិថីសិល្បៈអស់មួយសន្ទុះធំ ស្រាប់តែពេលនេះនាងលេចមុខមកនិយាយពីរឿងរ៉ាវពិត ជីវិតដ៏កម្សត់ក្រោយឆាកប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតបវរកញ្ញា និងជាតារាសម្ដែង អ៊ិន សុខលីដា លើកឡើងរម្លឹកប្រាប់ពីខ្សែជីវិតរបស់នាងគ្រានោះថា រឿងជីវិតពិតរបស់ខ្ញុំ រូបក្រោយឆាកកាលប្រឡងជាប់បវរកញ្ញាទេសចរណ៍អន្តរជាតិ ២០០២ ជាប់លំដាប់រងទី ២ ក្នុងស្រុកខ្មែរ បើមិនឆ្លៀតថតកុំអីអត់មានរូបទុកឲ្យកូនមើលទៀត។ ជំនាន់នោះដូចជា ខ្ចីកាមេរ៉ាគេមកថតទេ។

អ្នកនាងនិយាយបន្តថា កាលនោះជីវិតនាងជួបការខ្វះខាតខ្លាំង ដោយជិះម៉ូតូឌុបទៅប្រឡងខ្យល់បក់ឡើងចង់អស់ម្សៅពីមុខ ហើយសក់ឡើងខូចផ្លីទៀត។ នាងថា មានលុយតែបន្តិច ជួល ប៉ុបពី ផាត់មុខឲ្យ ហើយបានបងស្រីម្ចាស់សម្អាងការនៅទួលគោកជួយតាមធ្វើសក់ឲ្យមិនយកលុយ។ ហេតុតែចង់បានការងាររកលុយដើម្បីជួយម្ដាយ និងបងប្អូន បន្ទាប់ពីឪពុកស្លាប់ទៅ រឹតតែវេទនាលក់ផ្ទះសំបែងលក់ឡានរបស់ឪពុក ដើម្បីយកលុយព្យាបាលជំងឺអស់ពីខ្លួននៅតែមិនអាចជួយជីវិតឪពុកបានទៀត។

គេនៅចាំបានថា អ្នកនាង អ៊ិន សុខលីដា នាអំឡុងពេលនោះធ្លាប់សាងកិត្តិយសល្បីល្បាញនៅក្នុងពិភពសិល្បៈរបស់ខ្មែរ បន្ទាប់ពីការប្រកួតនៅក្នុងស្រុកទទួលបានលទ្ធផលល្អ នាងក៏ត្រូវបានគេជ្រើសរើសឲ្យទៅប្រកួតក្នុងកម្មវិធីលំដាប់ថ្នាក់អន្តរជាតិ Miss Tourism International នាប្រទេសម៉ាឡេស៊ី ខណៈពេលនោះ នាងគឺទទួលបានចំណាត់ថ្នាក់លេខ ៥ ក្នុងឆ្នាំ ២០០៣។