ហ្វេនប្រកាសឈប់គាំទ្រ បវរកញ្ញាចក្រវាលវៀតណាម ក្រោយរកឃើញភស្តុតាងបន្លំសញ្ញាបត្រ

បវរកញ្ញា ង៉ុកចូវ (Ngọc Châu) ម្ចាស់តំណែង Miss Universe Vietnam ឆ្នាំ២០២២ បាត់បង់ប្រជាប្រិយភាពភ្លាមៗ និងធ្លាក់ចំនួនអ្នកតាមដាននៅលើបណ្ដាញសង្គម Instagram យ៉ាងគំហុក ក្រោយពេលហ្វេនបានរកឃើញភស្តុតាងដែលថា នាងបន្លំឯកសារបរិញ្ញាបត្រ។

ពេលនេះ បវរកញ្ញា ង៉ុកចូវ កំពុងរងព័ត៌មានអាស្រូវស្ទើរពាសពេញប្រទេស និងត្រូវមហាជនប្រកាសឈប់គាំទ្រ បន្ទាប់ពីដឹងថា នាងផ្សព្វផ្សាយប្រវត្តិអប់រំរបស់ខ្លួនមិនពិត ទាក់ទឹងនឹងការបន្លំសញ្ញាបត្រពីសាកលវិទ្យាល័យ Ton Duc Thang ។

ក្រោយពិនិត្យពិច័យយ៉ាងហ្មត់ចត់ គេរកឃើញថា បរិញ្ញាបត្ររបស់បវរកញ្ញាវ័យ ២៧ឆ្នាំរូបនេះ ពុំមានសុពលភាពនោះទេ ព្រោះនាងជានិស្សិតបោះបង់ចោលការសិក្សា និងពុំទាន់បញ្ចប់ថ្នាក់មហាវិទ្យាល័យនៅឡើយ។

បន្ទាប់ពី​ព័ត៌មាន​នេះបាន​ផ្សព្វផ្សាយ​តាម​ប្រព័ន្ធ​អ៊ីនធឺណិត អ្នកគាំទ្ររាប់លាននៅក្នុងប្រទេសសម្ដែងការខកចិត្តយ៉ាងខ្លាំងចំពោះ ង៉ុកចូវ ចំណែកផេក Instagram របស់នាងបានថយចុះចំនួន Follower រាប់ម៉ឺននាក់។ ដោយឡែកសាមីខ្លួនឯណោះវិញនៅតែបន្តភាពស្ងប់ស្ងាត់ ពុំទាន់ចេញមុខបកសា្រយនៅឡើយទេ៕

ប្រែសម្រួល៖ សន្យា

ចុចអាន៖ សាវតារមិនធម្មតារបស់បវរកញ្ញាចក្រវាលវៀតណាម ២០២២ នាង Nguyen Thi Ngoc Chau

ចុចអាន៖ ឆ្នាំ២០២៣ តារាជួរមុខថៃ Chompoo Araya ជាម្ចាស់ទ្រព្យសម្បត្តិជិត ៤៥លានដុល្លារ