Beyoncé និងកូនស្រី ស៊ីថ្លៃដល់ទៅ ២៤ លានដុល្លារ ក្រោយសម្តែងនៅទីក្រុងឌូបៃ

តារាចម្រៀង Beyoncé និងកូនស្រីរបស់នាង Blue Ivy ទទួលបានប្រាក់ ២៤ លានដុល្លា ក្រោយការសម្តែងនៅឯរមណីយដ្ឋានប្រណីតមួយក្នុងទីក្រុងឌូបៃ សម្រាប់ទស្សនិកជនដែលមានឥទ្ធិពល និងអ្នកសារព័ត៌មានដែលបានអញ្ជើញ។

យោងទៅតាមគេហទំព័រតន្ត្រីអាមេរិក Pitchfork រាយការណ៍ថា Beyoncé​​ បានសម្តែងក្នុងការបើកសម្ពោធក្រៅផ្លូវការនៃសណ្ឋាគារ Atlantis the Royal ក្នុងទីក្រុងឌូបៃ កាលពីថ្ងៃទី ២១ ខែ មករា ហើយពិធីនេះអញ្ជើញតែភ្ញៀវដែលបានជ្រើសរើសឱ្យទៅចូលរួមតែប៉ុណ្ណោះ ។ ក្នុងនោះ Beyoncé បានសម្តែងបទចម្រៀងចំនួន ១៩ បទរួមទាំងការសហការជាមួយកូនស្រីច្បងរបស់នាងគឺ Blue Ivy អាយុ ១១ ឆ្នាំ ក្នុងការបង្ហាញខ្លួនដំបូង ។

ព្រឹត្តិការណ៍នៅថ្ងៃសៅរ៍គេកត់សម្គាល់ថា​ ជាការប្រគុំតន្ត្រីពេញរយៈពេលប្រវែងលើកទី ១ របស់ Beyoncé ក្នុងរយៈពេល ៥ ឆ្នាំ ជាមួយគ្នានេះ តារាចម្រៀងវ័យ ៤១ ឆ្នាំនេះនិងនិងកូនស្រីទទួលបានប្រាក់ ២៤ លានដុល្លារដើម្បីសម្តែងផងដែរ។

យ៉ាងណាមិញ នេះជាលើកទីមួយដែលតារាចម្រៀង Beyoncé សម្តែងបែកឯកជននៅទីក្រុងឌូបៃ ជាពិសេសមានភ្ញៀវដែលអញ្ជើញចូលរួមព្រឹត្តិការណ៍មួយនេះ ត្រូវគេដឹងថាជា អ្នកធ្វើអាជីវកម្ម នឹងថ្នាក់ដឹកនាំកំពូល ក៏ដូចជាមហាសេដ្ឋី ដែលមានការស្នាក់នៅលំដាប់ទីមួយនៅសណ្ឋាគារ Atlantis the Royal ៕

ប្រែសម្រួល៖នាងតូច

ចុចអាន៖តារាសម្តែង Brad Pitt ដាក់លក់ផ្ទះវីឡាធ្លាប់រស់នៅជាមួយលោកស្រី Angelina Jolie